Máis de 500 mulleres reciben formación en defensa persoal contra a violencia machista
Os cursos están a celebrarse en 24 concellos de toda Galicia.
A Xunta e a Federación Galega de Loita están a formar a máis de 500 mulleres en defensa persoal e autocapacidades para facer fronte a situacións de violencia machista.
Diso deu conta a Xunta a través dun comunicado en relación coa visita do vicepresidente, Alfonso Rueda, e a secretaria xeral de Igualdade, Susana López Abella, a un dos cursos que se están impartindo en distintas localidades galegas.
En concreto, segundo detallou o Goberno autonómico, son 24 os concellos de Galicia nos que se ofrece formación en defensa persoal para mulleres.
Ademais, non é a única actividade que a Xunta pon en marcha para combater a violencia de xénero, senón que se suma a programas educativos, de concienciación, de asesoramento e de terapia familiar e ao labor que desenvolven os centros de información á muller (CIM).
30 mulleres aprenden defensa persoal como protección ante o machismo
As denuncias por violencia machista aumentan en Galicia un 28% en medio ano
Noriega celebra o alcance da campaña contra a violencia machista
Escribe o teu comentario