"O Rural Existe" reclama a eliminación de lombos en vías rurais

Concentración a principios de xullo.

Membros da plataforma "O Rural Existe" presentaron escritos nos rexistros do Concello de Pontevedra, da Deputación e da Xunta de Galicia reclamando reunións cos principais responsables destas administracións para abordar a proliferación nas estradas rurais de lombos reductores de velocidade.

O colectivo tamén quere expoñer as súas queixas sobre o "abandono" que sofren as parroquias en canto ao servizo de limpeza.

O presidente de "O Rural Existe", Eulogio Sartier, mostrou o absoluto rexeitamento dos veciños da contorna do núcleo urbano pontevedrés aos lombos e pediu a retirada total ou parcial de moitos destes elementos de freado instalados "de forma masificada e sen ningún tipo de consenso cos veciños".

A plataforma propón unha reforma das estradas como principal medida para garantir a seguridade viaria. A entidade está a celebrar asembleas nas diferentes parroquias, este luns será na Casa dá Cultura de Marcón, co obxectivo de seguir solicitando apoios á súa proposta.