Falece un motorista na PO-400 ao chocar cun vehículo entre Arbo e Crecente

Un motorista faleceu esta mañá nunha colisión contra un coche no que viaxaban dúas persoas, que en principio non están feridas. O sinistro ocorreu á altura do quilómetro 20 da PO-400, que discorre entre Arbo e Crecente.

Segundo a información facilitada polo 112 Galicia, que recibiu o primeiro aviso ás 11.10 horas, un particular informou do choque entre un coche e unha moto. O alertador xa indicou que o motorista podía estar falecido, o que terminou confirmando o 061.

Ademais do persoal sanitario desprazado até o punto, tamén acudiron axentes da Garda Civil de Tráfico e persoal do servizo de mantemento da estrada.