Domingo de praia en toda Galicia
As temperaturas non experimentarán cambios hoxe, aínda que si mañá, cando sairemos da onda de calor para volver a valores máis normais.
Galicia non espera cambios significativos para o domingo, xa que continuará na influencia das altas presións, con aire moi cálido en superficie. Con esta situación, espéranse ceos pouco nubrados ou despexados en xeral, crecendo nubes de evolución á tarde no interior, que mesmo poderían deixar algún simulacro tormentoso.
Segundo a información de Meteogalicia, as temperaturas non experimentarán cambios significativos, con lixeiros ascensos das mínimas, polo que volverán quedar en valores moi altos para a época do ano, tanto as máximas como as mínimas.
En concreto, por cidades, as temperaturas máximas oscilarán entre os 40 graos de Ourense e os 29 da Coruña, mentres que as mínimas estarán entre os 16 graos de Lugo e os 20 da Coruña e Ourense.
A partir do luns empeza a remitir a onda de calor, aínda que o fará paulatinamente con descensos moderados de dous ou tres graos en Ourense e Lugo. Seguirá facendo bo tempo pero darase por finalizada a situación atípica de calor vivida durante esta fin de semana e volveremos a valores máis propios desta época do ano.
Escribe o teu comentario