Galicia, en alerta laranxa por altas temperaturas
Os valores superan os 30 graos desde primeira hora na provincia de Ourense | Na zona do Miño de Ourense e Valdeorras as temperaturas superarán os 39 graos.
Galicia arrincou a xornada deste sábado inmersa na onda de calor, con alerta laranxa por temperaturas elevadas e valores que superan os 30 graos desde primeira hora.
En concreto, os datos de Meteogalicia xa reflicten valores por encima dos 30 graos en puntos do interior ourensán como Xinzo (30,2ºC) ou Rubiá (30,5ºC).
Do mesmo xeito, o sensor da localidade ourensá de Baltar xa marcaba durante a mañá os 29,5 graos de temperatura e máis cercar do mar, en Pontevedra, situábanse nos 29,6 graos.
A previsión é que a forte calor afecte a toda a comunidade durante todo o fin de semana, especialmente na provincia de Ourense, aínda que se fará máis acusado a partir do mediodía.
Segundo o boletín de Meteogalicia, entre as 15,00 e as 21,00 horas deste sábado o aviso será laranxa na zona de Miño de Ourense e de Valdeorras por temperaturas máximas superiores aos 39 graos centígrados.
Mentres, no mesmo período o aviso será amarelo na zona do Miño en Pontevedra e interior da provincia da Coruña por temperaturas máximas superiores aos 34 graos.
Galicia, en prealearta por onda de calor
A Xunta activa un plan para facer fronte ás ondas de calor
Escribe o teu comentario