A crise da vivenda vai máis aló das grandes cidades cunha protesta o 7 de abril en Vilagarcía de Arousa

O pasado sábado celebrouse en Vilagarcía de Arousa un encontro aberto á cidadanía para participar no debate sobre o acceso á vivenda en Galicia. A Plataforma Galega Vivenda Xa organizou o encontro na Sala de Conferencías do Auditorio arousán para pór en común as causas e posibles solucións a esta crise. Froito desta cita, terá lugar unha manifestación despois de Semana Santa na localidade, evidenciando que a crise da vivenda vai moito máis alá das grandes urbes.

PROTESTA

A protesta terá lugar ante o Concello de Vilagarcía o vindeiro martes 7 de abril ás 12 horas, data na que tamén levará ao consistorio arousán unha moción sobre a vivenda a fin de achegar ao goberno local as medidas para paliar este probela de primeira orde na comunidade galega.

A crise vai desde o encarecemento dos prezos de aluguer e compra até a preocupante falta de vivendas públicas en Galicia, á cola neste sentido no conxunto do Estado, pasando por outras urxencias como a proliferación das vivendas de uso turístico, a gran cantidade de vivendas buxán ou as trabas existentes para que colectivos, como os mozos, poidan ter acceso á vivenda. 

Todo iso nun momento de cada vez maior incerteza económica e encarecemento dos prezos, produto do conflito en Irán. Desde a plataforma reprochan ao Concello de Vilagarcía o seu inacción nesta materia, considerando que non se adoptaron medidas "para, polo menos, controlar os pisos turísticos", beneficiando á "presión sobre os alugueres tradicionais e tratando a vivenda como unha mercadoría de luxo". 

"Regular o prezo do aluguer, crear vivenda pública, mobilizar vivenda buxán e moitas outras medidas serían apropiadas para poder garantir o dereito a un teito", reivindican desde a organización, que salienta que a vivenda é "un dereito" e anima aos veciños a participar na protesta do día 7.