Renfe pon á venda outros 25.000 billetes de AVE a 25 euros

Renfe pon este xoves á venda outros 25.000 billetes para viaxar nos seus distintos trens AVE a un prezo único de 25 euros, o segundo dos lotes deste número de prazas que prevé vender todos os 25 de cada mes para conmemorar os 25 anos da Alta Velocidade, informou a compañía ferroviaria.

O lanzamento do segundo lote terá lugar tras os cambios e melloras que a compañía ferroviaria xa avanzou que realizaría na súa páxina da internet despois do colapso que rexistrou o pasado 25 de abril, ao comercializar o primeiro lote de 25.000 billetes.

De feito, a compañía ferroviaria prevé informar mañá martes en rolda de prensa do dispositivo habilitado para afrontar a segunda venda de billetes de AVE a 25 euros.

A iniciativa forma parte dos actos conmemorativos dos 25 anos da posta en marcha do AVE en España e foi anunciada o pasado mes de abril polo presidente do Goberno, Mariano Rajoy.

En concreto, trátase de vender 250.000 billetes para todos os seus trens das liñas AVE a 25 euros ao longo do ano, mediante a comercialización de paquetes de 25.000 prazas o día 25 de cada mes, aínda que nun mes, aínda por determinar, lanzaranse 50.000.

No primeiro lanzamento do primeiro lote de 25.000 billetes tivo lugar o pasado 25 de abril, cando a alta demanda provocou saturación e colapsos na páxina da internet. A pesar diso, a operadora vendeu en apenas doce horas todas as prazas promocionais.

Con todo, o presidente da compañía, Juan Alfaro, avanzou a intención da compañía de "dar unha volta" á web para evitar novos problemas ante un incremento de visitas e operacións.