Ferreiro entrega ao alcalde de Dublín a camisola do 'Fillos de Breogán' co seu nome

|

Fillosdebreoganxulioferreiro// @ConcelloCoruna


O alcalde da Coruña, Xulio Ferreiro, mantivo en Irlanda diversos encontros institucionais para promocionar a cidade, acompañado polo presidente do Consorcio de Turismo e concelleiro de Emprego, Alberto Lema.


Segundo informou o Consistorio, o obxectivo é "estreitar lazos" entre A Coruña e Dublín e, así, na xornada deste venres, os representantes municipais mantiveron unha reunión co rexedor de Dublín, Brendan Carr.


Ao primeiro edil dublinense fixéronlle entrega dunha figura da Torre de Hércules e unha camiseta do club coruñés de fútbol gaélico Fillos de Breogán, co nome de Carr no dorsal, nunha imaxe que lembra á do primeiro ministro irlandés facendo entrega a Rajoy da camiseta da selección galega deste deporte, só que neste caso a Carr véselle entusiasmado polo agasallo. 


Ao encontro tamén asistiu o embaixador de España en Irlanda, José María Rodríguez Coso, así como representantes da asociación en Dublín de Amigos do Camiño de Santiago.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress