A Deputación da Coruña impulsa a nenos e adolescentes a vivir 'coa lingua fóra'
O ente provincial programa actos en 40 concellos, centrados "nas franxas de idade máis castelanizadas".
A Deputación da Coruña programará en 40 municipios da provincia a súa proposta 'Coa lingua fóra' coa que pretende promover o uso do galego na infancia e a adolescencia.
Segundo informou nun comunicado, trátase dunha iniciativa impulsada pola área de Normalización Lingüística para incentivar a utilización do galego "nas franxas de idade máis castelanizadas, segundo os últimos datos sociolingüísticos".
En concreto, sinala que, nela, participarán colexios, bibliotecas e casas de cultura. Nelas, haberá lecturas de contos de Xabier Docampo; Concha Blanco e Xoán Babarro, entre outros, o titulado 'A mestra Tomasa lendo e viaxando polo mundo'.
Tamén se programará o espectáculo de clown 'Non sabes quen é' para público adolescente e a cargo da compañía teatral Trasgo Sico. Despois de cada espectáculo, haberá un taller e unha charla co director do Servizo de Normalización Lingüística da Universidade de Santiago de Compostela (USC), Manuel Núñez Singala.
O Defensor do Pobo lembra á Garda Civil "o seu deber legal" de coñecer o galego
A Deputación da Coruña difunde a curta 'Corazón amoratado' contra a violencia machista
A Deputación da Coruña financiará proxectos artísticos que promovan a cidade
Escribe o teu comentario