O Deportivo saca a calculadora: en 75 dos 81 escenarios posibles lograría o ascenso a Primeira División

Lembran a escena dela película de 'Os Vengadores: Infinity War' na que o Dr. Strange revisa as posibilidades de derrotar a Thanos a través de máis de 14 millóns de futuros distintos? Pois ese cálculo non é nada comparado con todos os universos alternativos aos que están a viaxar na súa cabeza os afeccionados do Deportivo da Coruña nos últimos días. Desde o domingo os incondicionais branquiazuis saben que lles basta unha vitoria para ser equipo de Primeira División case unha década despois do seu descenso aos infernos. Con todo, afeitos vivir no arame, néganse a crer que as contas sexan tan sinxelas, sacando a calculadora e pondo sobre a mesa todas as opcións alternativas para o triunfo ou a catástrofe. O camiño do Deportivo a Primeira resúmese en 81 posibles combinacións de resultados que, nunha abafadora maioría, terminan no soño compartido de devolver a Riazor a Primeira División...pero nesas contas hai tamén oco para a incerteza do playoff. 

7,4 VS 92,6

As matemáticas da intelixencia artificial son demoledoras para os intereses do conxunto andaluz, ao que dan menos dun 8% de posibilidades de ascender de maneira directa. O Deportivo ten o 92,6% de opcións de ascenso directo, pois só pode perder a segunda praza se o Almería gaña os seus dous partidos restantes e, ademais, o propio Deportivo non suma máis de 2 puntos. Iso son apenas 6 dos 81 escenarios posibles.

O conxunto indálico necesita que se dean dúas condicións simultáneas para coar en segunda posición. As súas opcións pasan por, polo menos, gañar os dous partidos ou, como mínimo, gañar un e empatar o outro sempre que o Dépor naufrague nos dous partidos que quedan. 

Se o Almería gaña o seu dous choque e o Dépor non gana ningún, empata e perde ou colleita dous empates, os de Rubi asaltarían a segunda praza. Por outra banda, se o Almería gaña un dos seus dous partidos e empata o outro, necesita dunha gran carambola: que o Deportivo da Coruña non puntúe en ningunha das dúas xornadas que quedan. Só en seis escenarios dos 81 posibles o Dépor tería que ir pola vía longa do playoff para tratar de regresar a Primeira.

O XUÍZ VALISOLETANO

Dáse un circunstancia curiosa como o feito de que o Real Valladolid será, dunha forma ou outra, xuíz da tempada. Os blanquivioletas non se xogan xa nada, sen opcións nin de subir nin de baixar, pero poden resultar perigosos no seu partido como local para evitar a ira da afección valisoletana, encabritada polo mal papel do equipo esta tempada na que pasaron até tres adestradores polo banco do José Zorrilla, que o domingo será un pequeno Riazor ante a onda de afeccionados do Deportivo que se desprazarán a beiras do Pisuerga para vivir, esperan, unha xornada histórica. 

Isto pode complicar as opcións do Dépor, pero hai que atender a outra circunstancia: a falta de puntaría dos valisoletanos. O conxunto de Escribá é dos menos realizadores do campionato con 44 goles a favor, unha cantidade moi pobre e que só empeoran Leganés, Cádiz e tres dos catro equipos que están en descenso nestes momentos (o Mirándes, antepenúltimo, tamén anotou 44 tantos). 

Mentres, os herculinos son o equipo menos goleado do TOP-6. Con 42 goles en contra son o cuarto club con mellor bagaxe neste sentido, xa que só Burgos, con 33, e As Palmas e Eibar, os dous con 38, melloran neste capítulo aos de Hidalgo. Si á pólvora mollada do Valladolid sumámoslle o muro do Deportivo, resulta difícil pensar nunha goleada dos locais, eliminando practicamente esa posibilidade da ecuación.