Un home asasina presuntamente a súa esposa no Carballiño

|

Machismovelasmujer


Novo crime machista en Galicia. Un home duns 60 anos, J.A.L., asasinou supostamente a súa esposa V.F.V., de 55, na súa casa da localidade do Carballiño (Ourense) e despois tentou suicidarse feríndose cun coitelo no pescozo.


Os feitos sucederon sobre as 21,00 horas do domingo, cando a Policía Local, a Garda Civil e Protección Civil achegáronse ata a vivenda, na rúa Alexandre Bóveda, alertados polos familiares, que non tiñan noticias da parella desde o sábado e que estaban preocupados porque o home tentara suicidarse a pasada semana saltando desde o tellado.


Despois de infrutuosos intentos por localizar a parella, as forzas da orde entraron na vivenda a través dunha xanela do primeiro piso, subíndose encima dun camión. Ao acceder ao interior, a Garda Civil e a Policía Local atoparon o corpo sen vida da muller e o home noutra habitación cunha arma branca na man.


O home tentou entón autolesionarse facéndose varios cortes no pescozo, pero foi reducido e esposado polos membros da Garda Civil e da Policía Local, que tras a súa detención trasladárono ata o Complexo Hospitalario Universitario de Ourense (CHUO).


A parella era natural da localidade do Irixo, próxima ao Carballiño, e foran emigrantes en Suíza, desde onde regresaran facía poucos anos. Non tiñan fillos.


Ás 12,00 horas deste luns está convocado un minuto de silencio ás portas da subdelegación do Goberno de Ourense en repulsa por este crime.


CORRECCIÓN: Nun primeiro momento apuntárase que a vítima fora acoitelada, pero a autopsia confirmou que foi estrangulada.

relacionada Unha de cada tres solicitudes de protección contra o machismo é denegada
relacionada Acordo unánime por un pacto galego contra a violencia machista
relacionada A policía autonómica precisa 50 axentes máis para estar "plenamente operativa"

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress