Agora que está a piques de finalizar este 2020, que quedará gravado na memoria colectiva por un virus mortífico que se chama covid, a sociedade tiña a esperanza de celebrar estas festas “entrañables” con a familia, amigos e achegados. Pero unha vez máis, o bicho volvéunola a xogar nestes días de reencontro e celebración, porque as autoridades políticas e sanitarias decidiron, ante o incremento de contagios e falecidos, limitar o número de comensais nos ágapes, tanto en casa como nos restaurantes que unha vez máis viron como as súas economías volvéronse a resentir, para desgraza de todos.

Luces de Nadal en Santiago de Compostela

Este está a ser un ano en marcado polas desgrazas, que cambiaron os hábitos de vida das persoas, amén do desastre social, económico e político que non será fácil recompoñer. Nada será igual, nin a normalidade volverá ser a que era, gústenos ou non. O cambio de ciclo na sociedade precipitouse sen coñecer aínda que nos deparará o futuro, sen darnos conta de que o futuro debemos marcalo a propia sociedade, sen deixar de lado que hai cousas ás que non podemos dar a volta e que o imprevisto debe terse en conta aínda que non se poida controlar.

Este sinistro 2020 quitounos os días de festa de Semana Santa, que moitos esperaban para gozar duns días de descanso. Outros os empregaban en participar nos oficios relixiosos que tanto significa para os católicos, e o resto para realizar aquelas cousas que non poden facer no seu día a día. As vacacións de verán foron diferentes para aqueles que tivesen a sorte de podelas gozar. Na mente de todos estaba o medo ao contaxio que en moitos casos coartaron a liberdade de movemento e reunión cos seres queridos e amizades.

Agora vén a terceira na fronte: o nadal preséntanse restrinxidas, delimitadas e ata tristes. Con todo, gústenos ou non, hai que seguir os consellos dos especialistas -aínda que non haxa unanimidade de criterios á hora de dicir que medidas son as mellores de aplicar. Son 17 autonomías e cada unha dela decide sobre as medidas que debe aplicar. Non sería mellor un só criterio? Sería, pero a realidade é a que é e non hai que crear máis controversia que bastante hai xa.

A única boa noticia desta semana é que, finalmente, o día 27 empezaranse ao seu ministrar a vacina que moitos esperan para plantar cara á covid. É unha data que albisca a esperanza de millóns de persoas. Que garante que a loita será menos desigual e que ao final do túnel pode verse a luz.

Dicía Vaclav Havel que “a esperanza non é o mesmo que o optimismo. Non é a convicción de que algo sairá ben, senón a certeza de que algo ten sentido, independentemente de como resulte”. Non deixemos que a situación nos amargue as festas. Só hai que celebralas doutra maneira.