Os Gozos, cuarta residencia intervida na 2ªonda do coronavirus, tras saltar 110 positivos

|

O centro da Fundación San Rosendo nos arredores da cidade de Ourense, xunto ás piscinas de Monterrei, é un dos maiores de Galicia.  A Xunta recoñece que algo fallou. Por agora non interveu Val de Monterrei, o outro centro onde apareceron ducias de casos onte.


Residencia Vos Gozos en Monterrei concello de Pereiro de Aguiar nos arredores de Ourense preto dunhas instalacións deportivas nunha imaxe da Fundación San Rosendo




A Xunta decidiu intervir a residencia de maiores os Gozos situada no municipio ourensán de Pereiro de Aguiar tras detectar máis dun centenar de contagios de Covid-19 entre os seus usuarios e dous entre os traballadores --segundo os últimos datos facilitados este xoves--.


Así o anunciou este venres a conselleira de Política Social, Fabiola García, no marco da rolda de prensa de presentación en Santiago da campaña de vacinación antigripal nas residencia galegas, na que estivo acompañada polo titular de Sanidade, Julio García Comesaña.

A conselleira de Política Social destacou que se intervén esta residencia para "seguir velando pola calidade e saúde" dos residentes. Mentres, Comesaña incidiu en que tras esta decisión van analizar " e ver que foi o que fallou".

A preguntas dos medios sobre a situación nas residencias galegas, a titular de Política Social apuntou que na área de Ourense hai dúas residencias con "alto índice de contagios", en relación á de Pereiro de Aguiar intervida e a de Monterrei.

Por iso, recalcou que por parte das dúas consellerías seguirán poñendo "todos os medios para seguir velando pola saúde". Ademais, incidiu en que ambos os departamentos traballan no cribado dos profesionais das residencias.


MÁIS CRIBADOS CADA 14 DÍAS

Deste xeito, indicou que no marco deses cribados detectáronse os positivos entre os traballadores contaxiados

, polo que se fixo un cribado entre os residentes dos respectivos centros. Tras os positivos rexistrados a Xunta decidiu intervir a residencia de Os Gozos.


"Seguimos facendo probas aos traballadores e aos residentes cada 14 días", puntualizou Fabiola García en relación a estes centros, co fin de "previr a entrada do coronavirus nas residencias".

A Xunta RECOÑECE QUE ALGO FALLOU

Pola súa banda, o conselleiro de Sanidade incidiu na realización deses cribados "cada 14 días" nas residencias co fin de detectar os que se infectan coa Covid-19 porque "o risco de transmisión é importante".

Con todo iso, García Comesaña asegurou que se vai a "analizar e ver que foi o que fallou" para rexistrarse un brote con máis de 100 contagios en Vos Gozos.


Por agora a Xunta non interveu a residencia Val de Monterrei, a pesar de que a práctica totalidade dos anciáns do asilo de Abalrellos (Concello de Monterrei) están infectados. 


É a segunda residencia da Fundación San Rosendo en menos de dous meses, tras a intervención a finais de agosto do asilo do Incio. Nesta onda tamén se interveu DomusVi Lugo de Outeiro de Rei e outra resiencia máis pequena da comarca da Coruña, O Piñeiral de Culleredo.


Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress