Morre unha persoa atropelada por un tren de mercadorías en Maside

|

Unha persoa faleceu na tarde deste luns despois de ser alcanzada por un tren de mercadorías --que facía o roteiro entre Taboadela e Pontevedra-- á altura do concello de Maside (Ourense).


Tren con contedores para exportar.




O 112 Galicia tivo constancia do suceso dez minutos antes das 17:00 horas. Foi o persoal de Adif o que comunicou á central de emerxencias que un tren alcanzara a unha persoa no punto quilométrico 275 da vía, moi próximo á estación de Maside. O accidente produciuse nun túnel, nunha zona de difícil acceso.

Segundo informou, o 112 Galicia pasou aviso ao Servizo de Urxencias Sanitarias de Galicia-061, aos Bombeiros do Carballiño-O Ribeiro e á Garda Civil.

Unha vez no punto, os equipos de intervención tan só puideron confirmar o seu falecemento.

Os servizos de emerxencia continúan no lugar dos feitos tratando de restablecer as condicións de seguridade na vía. Así mesmo, as forzas da orde tratan de aclarar as circunstancias do suceso.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress