Non hai xa ningunha dúbida que a os varandas deste mundo da xeración de Greta Thumberg fóiselles a man coa contaminación ,e agora, imos ter que corrixir entre todos, especialmente os que menos teñen. E por iso, a Cume do clima que houbo que organizar precipitadamente en Madrid, xa que o Goberno chileno, ten aos seus cidadáns nas rúas, recibindo tiros e paus do exército e da policía, porque goberna mal e mantén a vixencia de leis pinochetistas, e aquí castigáronnos con "un campañón" de reproches pola nosa maldade á hora de reciclar ou coidar dos nosos ríos e bosques coma se niso do medio ambiente non tivesen nada que ver os que embasan en plástico e non en cristal ou extraen petróleo e envenenan nosas costas con petroleiros dun só casco ou agora mesmo seguindo o ronsel o armador do Blue Star embarrancado fronte ás moi galegas Illas Mirandas como no seu día fixérono o Urquiola, o Mar Exeo, o Prestige e ata máis de oito mil pecios, que dormen no fondo da Costa Atlántica de Galicia sen que os gobernos de España nin a propia Europa que vive e goza dese tráfico, fixesen nada para evitar as desgrazas ou palialas polo menos coa construción do tanta veces reclamado porto de abrigo no que poidan encerrarse eses buques e salvar en caso de traxedia aos seres vivos e a natureza que se contamina constantemente.

Buque2

Buque embarrancado na Ría de Ares.

Os galegos fomos e seguimos sendo vítimas reiteradas desa contaminación global criminal e insensata. A celulosa que podreceu durante décadas a marabillosa Ría de Pontevedra é un monumento inesquecible á estupidez política que aínda persiste. Si, aí segue, mentres un presidente ambicioso e desprestixiado chamado Pedro Sánchez convértenos en pagafantas da ONU mentres unha mangueira colgada dunha tirolesa tenta retirar en pleno cume do clima, miles de toneladas de fuel e gasoil do Blue Star embarrancado na Ría de Ares en Ferrol. Como se trata dun quimiquero baleiro, a desgraza quedará ,e grazas!, en vertedura e logo, en arrastre do casco ou despezamento durante semanas ou meses. Vaia maneira de celebrar o cume que nos deixan aos galegos!.

E dígolles a última, a varios medios de comunicación españois e supoño que a máis doutras partes do mundo, negáronselles as acreditacións para ir preguntar no cume por barbaridades como as que lles contei brevemente e iso que se acreditaron concienzudamente, seguindo as confusas instrucións do Alto Organismo mundial, teñen ao día os seus impostos e suponse que o Reino de España respecta a liberdade de expresión e aos seus colexios de Xornalistas. Guterres que estás nas minchas!.

Non teñan ningunha dúbida, que somos grazas, ao socialista Sánchez, o pagafantas climático do mundo mundial e encima non nos deixan exercer a nosa profesión no noso propio país e contamínano embarrancando un buque lixo. Agora entendo porque os chilenos están na rúa xogándose a vida contra o seu goberno e tamén o por que os holandeses non quixeron facerse cargo deste Cume viaxeiro.

Maxestade!, isto xa non hai quen o aguante.