​Ucraína: E agora que facemos?

O presidente de Rusia, Vladimir Putin @ep

O Protocolo de Minsk é a nai do conflito que agora mesmo afoga a liberdade dos ucraínos e coloca á Rusia do sátrapa Putin na lista negra dos tiranos internacionais. Foi un acordo asinado por representantes de Ucraína, Federación rusa, República Popular de Donetsk, Estados Unidos e a OTAN. Todos pensaron que se cumpriría pero saltou polo aire esta madrugada despois de que Occidente deixe inexplicablemente ao exército soviético despregar impunemente por todas as fronteiras de Ucraína para despois atacala facilmente sen que o exército da República de Ucraína puidese facer nada para poder evitalo. Un, a esas alturas da vida non se explica o que fixo Occidente ante un tipo como Putin, especialista en envenenar disidentes e enviar ao cárcere a manifestantes e opositores sen ningunha clase de escrúpulos. Dar golpes de peito ante situacións perfectamente previsibles é unha idiotez e provocaría a risa fácil si non fose porque aquí vai haber centos de mortos e todos corremos o risco certo de que esta guerra nos pille no medio, co que iso pode chegar a supor.

Estamos ante unha nova orde mundial no que Rusia e China van manexar o cotarro? Ou talvez, no país de nunca xamais, no que o líder chinés fará de Peter Pan mentres o ditador ruso queda por decisión propia co papel do sinistro Capitán Garfio.

Tomáronnos o pelo os nosos dirixentes políticos do moi civilizado facendo grandes espaventos de indignación e dor ante a traxedia que provocaron entre todos? Ou estamos ante un suceder de acontecementos imprevisibles que os xefes de goberno de Estados Unidos, Inglaterra, Francia e Alemaña non souberon detectar e do que os rusos van sacar un proveito inesperado?

De verdade Vds. vanse a crer esa explicación tan simple? Putin é un tipo formado na sinistra KGB, ninguén pode paralo e os pobres cidadáns rusos sobreviven nun país onde o estado e até as mafias impoñen as súas condutas antidemocráticas e de potencia nuclear. Vds. cren que xente así ía respectar os dereitos humanos ou a legalidade internacional para que os cidadáns da Comunidade Europea vivisen felices e como dicimos por aquí, comesen perdices? E digo eu: E agora que facemos…?