Galicia en Común vota masivamente en favor da coalición para un goberno progresista
O 96,81% dos participantes na consulta entre as bases de Galicia en Común expresaron o seu apoio ao acordo para a formación dun goberno de coalición no Estado entre o PSOE e Unidas Podemos.
Máis da metade da militancia da confluencia vota na consulta para avaliar o pacto entre Pablo Iglesias e Pedro Sánchez. A porcentaxe de votos a favor mostra que o apoio é practicamente unánime.
Díaz e Gómez Reino recolleron esta semana as súas actas como deputados de Galicia en común
A coalición electoral entre Podemos Galicia e Esquerda Unida deu a coñecer os resultados da consulta ás bases sobre o acordo asinado o pasado 12 de novembro polos líderes do Partido Socialista, Pedro Sánchez, e Unidas Podemos, Pablo Iglesias.
Segundo informa Galicia en Común na consulta han participado "7.364 persoas sobre un censo de militancia activa de 13.344 persoas". É dicir que votaron máis do 55%.
Entre todos eles houbo 7.124 votos a favor, o 96,8 por cento, mesma porcentaxe alcanzada polo 'si' na consulta realizada a nivel estatal por Podemos. Un total de 199 persoas se monstraron contrarios ao acordo de coalición.
"Os resultados da consulta marcan unha liña clara que aposta por un Goberno progresista no que En Común teñan un papel decisivo para defender as políticas das maiorías sociais deste país", sinala En Común, que conta con dous deputados no Congreso.
Escribe o teu comentario