A crise en Endesa As Pontes cústalle ao PSOE o 30% dos seus votos alí

|

A perda é politicamente moi significativa porque o alcalde das Pontes é o líder do partido socialista na provincia e ademais presidente da Deputación Provincial da Coruña 


O PSdeG sufriu un importante retroceso electoral nas Pontes (A Coruña), localidade marcada por un dos principais conflitos industriais que rexistrou Galicia nos últimos meses: o posible peche da central térmica de Endesa.


Central térmica das Pontes (A Coruña)
Á fronte do goberno local está o socialista Valentín González Formoso, quen tamén preside a Deputación da Coruña. Segundo reflicten os resultados do escrutinio deste domingo, o PSOE sigue como primeira forza, pero sofre unha caída significativa de case o 33 por cento de votos en relación ás eleccións xerais de abril.

En concreto, nas Pontes o PSdeG baixa de 2.536 a 1.705 votos --perde 831-- e ve reducido a súa porcentaxe de apoio en case once puntos. No polo oposto, o PP recorta distancia cos socialistas e sobe máis de oito puntos, ao pasar de 1.027 a 1.398 votos.

Mantén o posto como terceiro partido o BNG, aínda que tamén mellora resultados; mentres que Unidas Podemos, como cuarta forza na localidade, ve descender o número de sufraxios no seu favor.

A situación das Pontes foi un dos alicerces da campaña do PPdeG, con Alberto Núñez Feijóo á fronte, quen responsabiliza ao Executivo central de Pedro Sánchez do posible peche da central e esixiulle medidas que garantan a continuidade da planta.

SEN CAMBIOS SIGNIFICATIVOS EN CERVO (LUGO)
Outro das zonas en conflito da industria galega é Cervo (Lugo), onde se asenta a factoría de Alcoa de San Cibrao. Feijóo chegou a alertar dun "precierre". Nesta localidade goberna Alfonso Villares, do PP, partido que mellora o seu resultado de abril en tres puntos (do 30,05 por cento ao 33,22 por cento dos apoios).

O PSOE, pola súa banda, mantense como segunda forza; e sofre un descenso de pouco máis dun punto. En terceiro lugar sitúase Podemos, que tamén baixa, aínda que levemente; e en cuarto, o Bloque, que remonta en 3,5 puntos (ao pasar de 191 votos en abril a 277 agora).

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress