Traballadores de Ferroatlántica contra "os especuladores" da enerxía

|

Traballadores das fábricas de Ferroatlántica de Cee e Dumbría e das centrais hidroeléctricas concentráronse este venres ante as instalacións de Brens "en rexeitamento á segregación encuberta que pretende levar adiante a empresa, que se especule coa produción eléctrica e na defensa do futuro industrial para a comarca".


Traballadores de Ferroatlántica en Cee e Dumbría (A Coruña) mobilízanse contra

A protesta, convocada polo comité, chega despois dos últimos movementos que aseguran estar a detectar os traballadores no complexo industrial e nas centrais, ata onde se trasladou persoal de Ferrovial hai unhas semanas para recompilar información.

"Esta visita dunha empresa que xa anunciou publicamente o seu interese por adquirir os saltos de auga confirma que o Grupo Villar Mir empéñase na venda da centrais e pretende consumar unha segregación encuberta, pois Ferrovial, sen relación co mundo das ferroaleaciones, só estaría interesada no negocio da produción eléctrica", apunta o comité.

Neste sentido, a representación da CIG subliña que na reunión da pasada semana co conselleiro de Industria reclamóuselle "que faga valer as cláusulas das concesións e que impida que se consome esta venda especulativa".

"Non queremos que veñan especular coa nosa enerxía, queremos que se manteña a produción industrial e os empregos e isto só será posible se se respecta a vinculación entre as centrais e as fábricas", asevera.

Pola súa banda, Conde asegurou que a Administración galega non consentirá nunha segregación encuberta e comprometeuse a manter un contacto continuado co comité. "Esperamos que cumpra a súa palabra e non permita esta manifesta ilegalidade", valora o comité.


SEN INFORMACIÓN

A pesar da preocupación e a incerteza que existe entre o persoal, a dirección de Ferroatlántica "continúa sen ofrecer ningún tipo de información sobre a posible venda nin cales son os seus plans de futuro", denuncia.


Así mesmo, advirte de que o ERTE segue sen executarse pero hai dous fornos parados, "facéndose evidente que a empresa busca xustificar perdas e avanzar no desmantelamento e deslocalización da produción".

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress