Médicos internistas piden ao SERGAS máis recursos e persoal

Máis medios, pero tamén máis coordinación entre Atención Primaria e Medicina Interna. Isto é o que reclama a Sociedade Galega de Medicina Interna (Sogami) para paliar os problemas que arrastra a sanidade pública.


|

Máis medios, pero tamén máis coordinación entre Atención Primaria e Medicina Interna. Isto é o que reclama a Sociedade Galega de Medicina Interna (Sogami) para paliar os problemas que arrastra a sanidade pública.


A Sociedade Galega de Medicina Interna (Sogami) reivindica un maior respuesto e persoal" en Atención Primaria e Medicina Interna para contribuír á "eficiencia económica do conxunto do sistema público".



Jose luís jimenez presidente consello galego de colexios medicos internistas

José Luis Jiménez | Centro Médico O Carmen


Así o manifestou nun comunicado de prensa o presidente do Consello Galego de Colexios Médicos, médico internista e membro de Sogami, José Luis Jiménez.


"Para mellorar o modelo, necesitariamos maior orzamento e persoal, tanto en Atención Primaria como en Medicina Interna, o cal contribuiría á eficiencia económica do conxunto do sistema público", conclúe o doutor Jiménez.


Ao repecto, destacou un "modelo novo" de relación entre Medicina Interna e Atención Primaria que se puxo primeiro en marcha nas áreas sanitarias de Ourense e Lugo, e despois "foise estendendo en maior ou menor medida ao resto do sistema sanitario galego: a consulta sectorizada, é dicir, que un internista sexa referente directo de determinados centros de saúde", detalla Sogami.


NOVOS PROTOCOLOS

"En Lugo e Ourense existen protocolos de derivación específicos desde Atención Primaria a Medicina Interna. Esta derivación é especialmente beneficiosa para os pacientes pluripatolóxicos crónicos. Cada vez tratamos máis este perfil debido ao envellecemento da poboación e o estilo de vida pouco saudable dunha parte importante dela", afirmou.


Outro tipo de paciente que tamén se ve beneficiado por a colaboración entre Atención Primaria e Medicina Interna "é aquel con diagnósticos e tratamentos non demorables, por exemplo nos casos nos que sospeitamos que a persoa sofre un posible tumor", apunta Sogami.


O contacto entre o médico de Atención Primaria e o internista "realízase de forma presencial, pero tamén de maneira telefónica e telemática", puntualiza esta sociedade científica, a través da coñecida como "e-consulta", na cal ambos os profesionais poden estudar un caso sen necesitar a presenza física do paciente. Ademais, os internistas visitan mensualmente os centros de saúde para compartir casos clínicos e intercambiar coñecementos.


ATENDER ANTES PARA REDUCIR URXENCIAS

Segundo explica o doutor Jiménez, este modelo de relación permite reducir ingresos e o tempo medio de estancia hospitalaria do paciente. En concreto, "permite atender de forma integral e continuada aos pacientes que acaban de ser dados de alta", asegura.


"Isto é especialmente importante nos casos de crónicos pluripatológicos porque estes adoitan volver a Urxencias nun curto prazo", subliña Sogami, que engade que, desta maneira, contribúese a diminuír a saturación de Urxencias.


Os hospitais de día son outra ferramenta útil para a colaboración con Atención Primaria e un "elemento imprescindible de apoio a unha consulta externa de Medicina Interna resolutiva, accesible e de calidade".


VISIÓN INTEGRAL

"O tándem Atención Primaria-Medicina Interna é perfecto porque aúna a capacidade de escoitar ao paciente coa visión integral e humana do mesmo, ambas as características propias das nosas especialidades", lembra o doutor Jiménez.


"Como internistas, a nosa relación cos nosos compañeiros de primaria é moi fluída. Estamos contentos de traballar con quen está en primeira liña co paciente. Non esquezamos que o futuro da medicina vai cara á humanización; centrarse nas persoas", abunda o doutor.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE