medicina interna

Os problemas en Medicina Interna na área Sanitaria de Santiago continúan, débense á falta de médicos en toda España e o SERGAS está a dialogar cos propios médicos para paliala pero, mentres tanto, a cobertura de gardas no Hospital do Barbanza por persoal do hospital de Santiago continuará, a pesar de ser unha medida "puntual e excepcional motivada pola necesidade de garantir a asistencia sanitaria".  Así pode resumir a resposta enviada pola Xerencia da área Sanitaria de Santiago e ou Barbanza a Galiciapress en resposta á concentración de persoal de medicina interno do Complexo Hospitalario Universitario de Santiago (CHUS), alertando dun "empeoramento do servizo" debido a unha maior precariedade das condicións laborais. A protesta tivo lugar esta mañá fronte ao CHUS. 

Os traballadores do servizo de Medicina Interna do complexo compostelán, que viviron unha situación crítica o pasado verán pola sobrecarga de traballo que sufriron, remiten un escrito co ‘Plan Funcional do Servizo de Medicina interna do CHUS’ á Xunta, ao SERGAS e a Sanidade. No texto, composto de 75 páxinas, subliñan o déficit de especialistas que presenta o servizo, a precariedade que sofren e o risco que todo isto entraña “para a calidade asistencial en todos os hospitais”.

Así mesmo, consideraque o problema principal reside en que a sanidade debe estar ben vertebrada, é dicir, ofrecer prazas segundo as condicións que máis se necesiten en cada área sanitaria.

Como consecuencia, isto provoca o aumento da lista de espera dos pacientes.  Ademais, moitos pacientes teñen enfermidades crónicas e pluripatológicas, polo que non poden prescindir desas revisións médicas. Por último, estudantes de medicina e residentes non están a recibir a oportunidade de integrarse ao servizo de Medicina Interna debido ás precarias condicións ás que se expoñen. Con todo, o Colexio Médico  fai un chamamento á Xerencia da área Sanitaria para elaborar unha redacción na que se planifiquen solucións para os internistas.

Máis medios, pero tamén máis coordinación entre Atención Primaria e Medicina Interna. Isto é o que reclama a Sociedade Galega de Medicina Interna (Sogami) para paliar os problemas que arrastra a sanidade pública.