Estes son os cambios na tarxeta benvida, que segue chegando con meses de atraso

Os nenos que naceron en agosto están a recibir a súa axuda de 100/€ euros mes en decembro. Tal é o atraso do programa de la Xunta que o Goberno vese forzado a introducir cambios na súa tramitación

A 'Tarxeta Benvida' --axuda de 100 euros ao mes por nacemento que suma os 1.200 euros anuais-- da Xunta poderase solicitar durante o embarazo, co obxectivo de que a espera para obter unha resolución favorable non supere o mes desde a chegada do bebé, e será ampliable para familias que sufran unha baixada de ingresos.

En concreto, entre as novidades da nova convocatoria, o presidente, Alberto Núñez Feijóo, apuntou que aquelas familias que obtivesen a Tarxeta Benvida en 2018 e que neste ano visen rebaixado o seu nivel de ingresos --porque un dos seus membros fose ao paro, por exemplo-- ata situarse nos 22.000 euros ou menos, terán dereito á ampliación cando comuniquen o seu cambio de situación.

Este xoves, na súa reunión semanal, o Executivo autonómico deu luz verde ao acordo que contempla un orzamento de 36 millóns de euros para renovar a 'Tarxeta Benvida' para os galegos que nazan no ano 2019. Este recurso permite atender gastos como como a compra de medicamentos infantís, cueiros, roupa, berces e produtos de hixiene ou farmacéuticos.

A 'Tarxeta Benvida' xa vira introducidos outros cambios e está a disposición de pais naturais ou con nenos en adopción ou garda con fins adoptivos, e tamén --segundo ratificou Feijóo-- estarao para familias que residan no exterior e decidan volver a Galicia.

Con carácter xeral, cargarase con 1.200 euros distribuídos en dous pagos, un en 2019 e outro en 2020. Todo iso a condición de que a renda familiar anual sexa inferior aos 45.000 euros ou menor de 13.500 eruos per cápita. Desde a posta en marcha desta medida, en 2016, unhas 40.000 'Tarxetas Benvida' chegaron durante o primeiro ano de vida do neno.