O si do PNV á moción a Rajoy dispara as quinielas sobre o futuro de Feijóo

|


A dirección nacionalista vasca comunicou ao Goberno que votará a favor da moción de censura presentada por Pedro Sánchez. Mariano Rajoy podería dimitir para forzar eleccións, o que deixaría vacante en principio o liderado do PP a nivel estatal. Un posto para o que o presidente da Xunta é, en teoría, o mellor colocado. De feito o presidente de Cantabria xa o propuxo


Así as cousas, Pedro Sánchez sería investido presidente este venres. Agora ben, Mariano Rajoy podería dimitir antes para forzar eleccións quedando á fronte de España un goberno en funcións, o que a medio prazo deixaría vacante en principio o liderado do PP a nivel estatal. Un posto para o que o presidente da Xunta é, en teoría, o mellor colocado.


De confirmarse o sentido do voto do PNV, a outra opción que queda a Mariano Rajoy é converterse en líder da oposición, á espera que o novo presidente do Goberno, Pedro Sánchez, convoque eleccións nuns meses, como di pretende.


Agora ben, as últimas enquisas -nas que o PP se desmorona antel o empuxe de Cidadáns- e o peso da corrupción sobre a figura de Mariano Rajoy fan difícil, en teoría, que o de Pontevedra poida volver ser cabeza de cartel en calquera dos escenarios posibles. Lugar que ben podería ocupar Alberto Nuñez Feijóo, pois é un dos pouquísimos líderes conservadores capaces de presumir de vitorias electorais recentes e non estar tocado, polo menos directamente, pola Gürtel. 


Ademais, de todos son coñecidas as ambicións do de Os Peares para saltar a Madrid. Feijóo leva lustros facéndolle as beiras á opinión pública estatal, o que lle gañou non poucas inimizades entre algúns dirixentes do PP que tamén aspiraban a suceder a Rajoy.


De feito, algúns medios xa informaron esta semana que o presidente do PP galego chamara  a homólogos doutras partes do Estado para impulsar a renovación do partido, cun Congreso Extraordinario do PP español. Hipótese que Feijóo por agora nega, presumindo de que "eu non serei nunca un Judas".


De asumir Feijóo o liderado do PP estatal, non necesariamente tería que deixar a Xunta. Agora ben, parece difícil que a medio prazo puidese compatibilizar as dúas posicións. O lóxico sería que, de haber unha sucesión en Galicia, abordáse ao mesmo tempo que o cambio en España.


Mentres, o Congreso dos Deputados segue debatendo a moción de censura contra o presidente do Goberno, Mariano Rajoy, presentada polo PSOE tras a condena ao PP como partícipe a título lucrativo da trama Gürtel e que propón como candidato para presidir o Executivo ao socialista Pedro Sánchez.



Mariano rajoy congreso mocion de censura


O debate da moción de censura comezou coa defensa da proposta, sen límite de tempo, por parte dun dos deputados que asinan a iniciativa, e, a continuación, tamén sen límite de tempo, interveu o candidato á Presidencia proposto na moción para que expoña o programa político do seu hipotético Goberno.


Despois foi a quenda dos portavoces dos distintos grupos parlamentarios, tiveron trinta minutos para intervir e dez minutos de réplica. En principio, está previsto que a votación da moción de censura sexa mañá sobre as 13:30 horas. 


Este é o vídeo oficial do sinal do Congreso dos Deputados. A narración e as reaccións ao argumentado desde a tribuna pódense seguir en esta crónica actualizada de Catalunyapress.


relacionada Revilla cre que Rajoy dimitirá se PNV apoia a moción e PP propoñerá a Núñez Feijoo como candidato

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress