O exalcalde de Ourense Francisco Rodríguez será de novo candidato polo PSdeG

O PSdeG decidiu suspender o proceso de primarias en Ourense, convocadas nun primeiro momento para decembro, co "apoio" da dirección socialista de Ferraz e o seu candidato ás próximas eleccións municipais na cidade de As Burgas será o exalcalde Francisco Rodríguez.

Así o trasladaron fontes do Partido Socialistas, quen fixeron fincapé en que esta designación de forma directa ten cobertura por parte dos estatutos da formación e que se opta polo aspirante "mellor valorado".

A pesar de que houbo varias reunións previas, a decisión definitiva pechouse onte durante un encontro delebrado en Santiago de Compostela. Nel, entre outros, estiveron presentes os dous seguintes que aspiraban a encabezar a candidatura socialista: Rafael Rodríguez Villarino, secretario provincial e actual portavoz municipal, e a secretaria da agrupación local, Natalia González.

Rodríguez dimitiu no ano 2012 debido á súa implicación na 'Operación Pokémon', aínda que a causa quedou arquivada.

Este competirá tamén co que fóra alcalde de Ourense, Manuel Cabezas, que se presenta polo #PP. Cabezas foi xulgado por prevaricación e malveración, no marco do chamado 'caso do 10%', aínda que finalmente quedou absolto.
 

MENSAXE DA DIRECCIÓN DO PARTIDO Á CIDADE DE OURENSE

Fontes da dirección de #PSdeG incidiron en que a cúpula que encabeza Valentín González Formoso "convenceu" ao exregidor para volver á primeira liña política, respondendo a unha petición compartida por "moitos representantes dos servizos sociais e económicos" da cidade, que aborgaba por que Rodríguez fose o candidato.

Estas mesmas fontes incidiron tamén en que se trata dunha mensaxe da dirección do partido á cidade de As Burgas.

"Imos a por todas co mellor candidato que podemos presentar", apuntaron, para engadir que o paso dado supón "restablecer feridas e devolver a Paco Rodríguez unha posición, desde a dignidade, a honradez e a recuperación do orgullo dun gran alcalde que sufritó unha persecución inxusta e que privou a Ourense da mellor etapa dos últimos 20 anos".
 

RESPALDO DE FERRAZ

Desde a dirección autonómica han apuntado que o encontro que selou a decisión en Santiago non se trata do primeiro. Xa se produciron outras reunións privadas encamiñadas a tratar de evitar un enfrontamento nunhas primarias en Ourense, onde Rodríguez Villarino, que foi o aspirante máis votado nos últimos comicios, ía competir con Natalia González, por ser o candidato.

Así mesmo, inciden en que a suspensión do proceso tras a reunión deste venres está sustentada polos estatutos e conta co aval de Ferraz e do secretario de Organización do #PSOE, Santos Cerdán.