CC.OO. abandona o Comité de Folga da Xustiza
Representantes do sindicato declararon ante os medios que a folga "conseguiu o seu obxectivo": a mellora "substancial" das condicións de traballo do persoal da Administración de Xustiza de Galicia.
"Comisións Obreiras dá por acabada unha etapa no conflito da Xustiza, acorda coa súa afiliación a reincorporación ao traballo e confirma que deixa de formar parte do Comité de Folga". Así anunciaron esta mañá en rolda de prensa representantes do sindicato.
Tras a creación de unhanova maioría sindical coa adhesión de SPJ-USO a APX-CUT, CIG e SPAJ, o sindicato Comisións Obreiras abandonou comezado hai máis de 80 días. A agrupación busca agora "recompoñer a unidade dos traballadores e as traballadoras", polo que se reincorporan á actividade. "[A unidade] só se conseguirá coa volta ao traballo diario", declarou o secretario xeral do Sindicato, Ramón Sarmiento.
Representantes do sindicato declararon ante os medios que a folga "conseguiu o seu obxectivo": a mellora "substancial" das condicións de traballo do persoal da Administración de Xustiza de Galicia. As portavoces consideran que remitirse a unha mesa de negociacións é a "vía adecuada" para pechar o conflito, "tomando como referencia a última proposta da Administración" e resolvendo as "pequenas diferenzas" que teñen coa Xunta respecto ao acordo.
Escribe o teu comentario