Xulio ​Ferreiro saca adiante os orzamentos co apoio do PSOE

O PP votou en contra criticando "máis parálise" e o BNG porque lles rexeitaron alegacións incluídas no seu propio programa electoral.


|

Votacion presup corunaVotación das contas, este luns. Foto: Concello da Coruña


A Corporación municipal da Coruña aprobou de maneira definitiva, cos votos a favor de Marea Atlántica e PSOE e en contra de PP e BNG, os orzamentos municipais para este ano, que ascenden a 246,8 millóns de euros, un 3,1% máis que o pasado exercicio.


BNG e PP votaron en contra despois de que se rexeitasen as súas alegacións argumentando desde o goberno municipal que as reclamacións realizadas durante o período de exposición pública das contas non se axustaban "aos supostos que recolle a normativa vixente".


Na súa intervención, a concelleira de Facenda, Eugenia Vieito, cualificou de "expansivas" unhas contas das que dixo que buscan "reforzar as políticas sociais". Mentres, tachou de "discurso apocalíptico" as críticas feitas desde o PP. Das alegacións deste grupo, afirmou que incluían "proxectos obsoletos" e outros xa en vías de execución.


"PEORES" ORZAMENTOS


Desde as filas populares, a portavoz, Rosa Gallego, manifestou que os orzamentos deste ano son "peores" que os de 2017 e engadiu que non van resolver "problemas reais" dos cidadáns. "Orzan máis impostos, máis parálise", sentenciou.


Ademais, a concelleira do BNG Avia Veira defendeu as propostas incluídas ás súas alegacións e criticou que se rexeitasen todas elas. "Ían cuestións do seuprograma electoral", sinalou en alusión á Marea Atlántica. Como exemplo, citou a inclusión de partidas para mellorar a seguridade viaria en Monte Alto.


Pola súa banda, o portavoz socialista José Manuel García admitiu a existencia dun "cadro de parálise xeneralizada" na cidade, pero apostilou que apoian as contas "por responsabilidade". Tamén lle pediu ao goberno local que faga "un bo uso" das contas "porque a cidade o necesita".


relacionada O Concello aproba os orzamentos municipais para 2018
relacionada O PP denuncia un “pacto ás agachadas” entre Ferreiro e os socialistas
relacionada Contactos entre a Marea e o PSOE para preparar os orzamentos da Coruña
relacionada Ferreiro ve un "ataque á autonomía local" o control das contas de Madrid

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE