vazquez mao

O secretario xeral de Eixo Atlántico, Xoan Vázquez Mao, manifesta o seu malestar coa falta de empatía desde o Goberno central sobre a AVE a Galicia e o atraso cos trens Avril. Analiza a situación como unha falta de peso político por parte dos responsables autonómicos fronte a Madrid cualificando a súa actuación, sobre todo da Xunta, como "plañideras" ante o Goberno de Sánchez e, en caso de haber un goberno do PP, gardarían un escrupuloso silencio. Reclama ao ministro Ponte, co cal non se reuniu aínda, que tome en serio a cuestión dos trens Avril e non faga máis "shows" con Reis Meigos. 

As cifras de Renfe non cadran. Se suman os horarios das diferentes etapas, a viaxe Vigo-Madrid suma 3 horas e 5 minutos; pero Renfe fala de 3 horas e 56 minutos, argumenta Vázquez Mao. 

Lugo volve ser a cincenta dos horarios, pois o tren tardará menos en chegar de Madrid a Ourense que de Ourense a Lugo, porque a vía non está electrificada.

Terceiro, se me permiten un consello, creo que sería bo unha acción conxunta de todas as institucións galegas, desde a Xunta até o delegado do goberno, desde os empresarios até os sindicatos, e desde a FEGAMP até o Eixo Atlántico, para comprometer 4 puntos básicos e indivisibles sen os cales Galicia e os seus portos están condenados ao desastre: inmediata presentación do plan director do Corredor do Atlántico por parte do Ministro de Fomento; saída a exposición pública do estudo informativo previo da Saída Sur de Vigo antes de que finalice o ano por parte do Ministro de Fomento; desbloqueo e impulso do porto seco de Monforte por parte da Xunta de Galicia e modernización da liña Ferrol/A Coruña - Lugo - Monforte, por parte do ministro de Fomento nunha acción que pode ser concertada coa Xunta de Galicia.

Xóan Vázquez Mao, secretario xeral do ‘Eixo Atlántico do Noroeste Peninsular’, atende a Galiciapress para debullar o enfado da entidade co informe elaborado do CES -que presenta hoxe a Xunta- e expoñer a situación na que se atopa o Corredor. “Só falta a ratificación do Parlamento Europeo e os estados membros; este informe de la Xunta só desestabiliza un tema que xa conta co visto e prace”, advirte.