Rusia, a nova protagonista na guerra de Irán

Nunca é un xesto desinteresado, máis ben ao contrario. Na guerra é unha arma que se utiliza para despistar ao contrario, a poboación: unha estratexia.  Nas distintas guerras, que por desgraza temos agora máis vivas que nunca, a desinformación está a xogar un papel importante. Esta estratexia non está exenta de exceso de información malintencionada para confundir ao inimigo e aos países que poidan dar apoio.

 Rusia, unha potencia, dirixida por un exagente da KGB, sinistro onde os haxa e liquidador de todos os que lle poden facer sombra ou non sonlle “fieis”, estaba máis calado do normal coa guerra en Irán. Non é moi normal, sendo este país dos aiatolás un aliado interesado. Rusia e Irán estreitaron os seus lazos máis aínda  coa invasión de Rusia a Ucraína O réxime iraniano ha fornecido drones  para utilizalos en Ucraína.   Non só iso, senón que Irán non deixou de venderlle petróleo, saltar as sancións impostas por Europa.

Ante este escenario, os aliados europeos, están cada vez máis preocupados ante a posibilidade de que Rusia lle estea botando unha man aos seus amigos, devolvéndolle o favor con drones para o seu uso na guerra contra EE. UU. e Israel. Ao parecer, Rusia está a axudar a Irán coa intervención dos seus servizos secretos e información de intelixencia, facilitándolle as localizacións das bases de Estados Unidos e outros obxectivos da rexión. Era o previsible coñecéndoo.

Un informe publicado hai uns días polo diario The Financial Times  dicía que Rusia estaba “preto de completar un envío por fases de drones, medicamentos e alimentos a Irán” segundo informes de intelixencia occidentais.

O secretario xeral da OTAN, Mark Rutte, preguntado polos xornalistas sobre os informes, despediu a pregunta con “é un asunto de intelixencia, e por iso, manterao en segredo” Hai que lembrar que as fábricas de armas iranianas: drones, mísiles balísticos, desapareceron despois da intensa campaña de bombardeos estadounidenses e israelís. O que significa que Irán necesita todo o material bélico posible. Rusia fornécello e ademais, ensínalles os dentes tanto a Trump como a Netanyahu .

Europa está entre dúas augas (algúns dirixentes máis que outros), como se está vendo. É que os dirixentes se están arriscando ás críticas dos seus votantes se se suman á guerra, que os hai. Por outro, podería suceder que se enfronten a unha protesta interna se non fan algo para que se poidan abrir as rutas marítimas bloqueadas por Irán e aliviar a crise enerxética.

 Xa si se sabe o número de veces que o presidente Trump segue dicindo que a guerra está gañada, lanza a noticia dunha tregua de cinco días, e diso nada de nada. É máis, o Pentágono ordenou (dirixido por Trump) que 2.000 soldados da división aerotransportada do exército desprácense a Oriente Medio, para intervir no momento que o presidente dea a orde.

As negociacións, segundo Trump, Irán desménteo; os servizos secretos de todas partes continúan traballando a pasos forzados e Europa con máis preocupación pola situación e a presenza no conflito de Rusia. Serán capaces de sentar a negociar e chegar a un acordo? Vendo a Trump. Netanyahu e non se sabe quen é o representante de Irán; as cousas non pintan nada ben. Só están contentos o sector armamentístico, que se está pondo as botas  .