A Xunta alude á actividade dos incendiarios para xustificar a vaga de incendios que está a arrasar a provincia. A gravidade dos lumes é tal que as brigadas teñen que recorrer a plantar lume para combater as chamas de noite. As choivas que están a empezar a caer na costa poden ser a salvación, aínda que aínda non chegaron ao castigado suroeste galego.
Os sindicatos CIG, CCOO, CSIF e UXT presentaron unha denuncia xudicial contra a Consellería do Medio Rural pola suposta vulneración do dereito a folga dos técnicos de prevención de incendios. Os organismos sindicais arremeten contra o “esquirolismo patronal” despois da entrega da dirección de obras a persoal fóra da Administración.
Primeiro foi un gran incendio florestal en Monterrei, que comezou na parroquia de Flariz. Agora leva ardendo catro días o veciño municipio de Cualedro, onde xa se queimaron 1.535 hectáreas, o maior lume desde a onda de 2017. Os dous prodúcense nunha comarca, a montaña da Raia Seca, lastrada por medio século de emigración masiva e onde a loita contra o lume é un dos poucos empregos, temporais, dispobibles.
Os sindicatos CIG, CC.OO., UXT e CSIF convocan a folga despois de máis de 25 meses de tensas negociacións coa Xunta de Galicia, á que denuncian polo seu inmobilismo e ser incapaces de desbloquear esta situación.
A falta de catro días para que os técnicos de prevención de incendios inicien unha folga indefinida, toda Galicia vive pendente da evolución das queimas que azoutan aos nosos montes e que na última semana calcinaron preto dun milleiro de hectáreas.
Ourense está a vivir unha semana tráxica, onde a provincia está a ser pasto dos incendios e os incendiarios, xa que todos os indicios apuntan a que se tratan de incendios provocados. Entre Verín, Viana do Bolo e Monterrei, ademais doutros lumes declarados en Galicia ao longo da semana, a superficie forestal afectada na comunidade rolda o milleiro de hectáreas queimadas.
“O traballo que se realiza tanto na xestión forestal como na prevención de incendios forestais é un traballo en equipo no que interveñen distintas categorías profesionais e no que a función do persoal técnico é fundamentalmente a de coordinar e xestionar os medios (humanos e materiais) para ofrecer un servizo público o máis eficaz e eficiente posible”, comenta.