A CRTVG non xoga con lume mentres arde Galicia

A chamada de atención era clara, mentres que CRTVE e Canle 24H emitían en directo a comparecencia do presidente do Goberno, Pedro Sánchez, e do presidente da Xunta, Alfonso Rueda, sobre os incendios en Ourense, a CRTVG, a televisión autonómica galega, pasaba por alto esta noticia.

Así se reflectiu na rede social X, onde varios usuarios e usuarias chamaron a atención sobre o feito de que a programación autonómica non se fixese eco da comparecencia de ambos os mandatarios. 

O caso é que non foron poucos os que se atreveron a dar a voz de alarma e facer ver que a televisión galega non creou unha programación especial sobre o lume que azouta a provincia de Ourense. 

Isto levou a moitos, como o humorista e escritor Carlos Meixide a postear que a CRTVG é "propaganda gobernamental"

O xornalista Luís Pardo posteaba a "comparación" entre a cadea autonómica galega e a televisión nacional. Unha acción que abriu fío e coseu moitos comentarios.

Un dos post lembraba como À Punt, a televisión autonómica da Comunitat Valenciana, estaba a transmitir imaxes da DANA, elemento que serviu para os autos da xuíza que investiga o suceso.

Así mesmo, hai quen ve como a "longa man" de Feijóo está detrás do comportamento de Rueda o cal "institucionalmente" agradece a Sánchez a axuda prestada polo Goberno.

Mesmo se mostraron tweets do PP que máis tarde o propio partido borrara.

A repercusión dos lumes de Ourense puxo outra vez en cuestión a neutralidade dos medios públicos galegos. Sen emisións en directo sobre estas comparecencias parece haber dado a máxima de "pan e circo" da antiga Roma.