Cando se producirá o pico de contagios? Coa traxectoria actual, nunha semana, aproximadamente, a incidencia semanal debería empezar a baixar. Cando se producirá o pico de casos activos? Ata onte a traxectoria da serie indicaba que sería en torno ao 20 de decembro. Claro que a subida de contagios produto do ponte da constitución pode atrasar estas previsións.
Hai que remontarse ao 7 de agosto para atopar máis de 1.000 diagnósticos nunha xornada e ao 23 de agosto para superar a barreira dos 10.000 casos activos revasada hoxe. En cuestión de días a incidencia semanal entrará en risco moi alto, o peor posible. A presión hospitalaria, que xa é importante en Vigo e Ourense, acabará subindo en toda Galicia. Máis restricións parecen inevitables, canto antes, mellor, para limitar a súa dureza.
É evidente que os colexios están a ser un dos motores da sexta onda en Galicia. Hai máis casos activos nas escolas que o curso pasado por esta datas. Os tramos de idade con maior incidencia son os nenos non vacinados e as persoas de entre 30 e 50 anos, as súas nais e pais. O portavoz parlamentario do PSdeG, Gonzalo Caballero, urxiu ao presidente a tomar "medidas urxentes".
Relación de concellos cun cómputo semanal maior de 10 e cuxo total de positivos na última semana baixa hoxe respecto a ese total onte:
Relación de concellos cun cómputo semanal maior de 10 e cuxo total de positivos na última semana baixa hoxe respecto a ese total onte:
Os 773 novos positivos por PCR comunicados hoxe supoñen o segundo día seguido de máximos nesta onda. A situación está a empeorar a pasos axigantados e Galicia vai camiño de superar a incidencia bisemanal española, algo moi inhabitual. .
A única boa noticia é que a curva da derivada de casos activos leva xa unha semana práticamente plana. Isto quere dicir que cada día que pasa a velocidade de crecemento de casos activos xa non aumenta. Noutras ondas, isto foi o primeiro indicador de que o pico estaba próximo.
A situación en preocupante a nivel galego, pero especialmente alarmante no sur, nos distritos de Ourense e Vigo. Sería necesario unha reflexión sobre se é lóxico organizar eventos masivos como a iluminación de Vigo ou os magostos de Ourense vista a situación.
Municipios con máis de dez positivos á semana e onde os positivos están subindo desde un punto de vista semanal, pois a razón de taxas é superior a 1:
A velocidade da alza é de tal calibre que o principal indicador entrará en risco alto probablemente a próxima semana e case seguro este mes de novembro. Lembrar que a incidencia acumulada estaba en niveis de nova normalidade ata o 29 de outubro, fai só tres semanas.
Análise da capacidade para eludir vacinas, gravidade dos síntomas, transmisibilidade e evolución de casos en Galicia do variante Delta Plus (AI.4.2). De xullo a outubro, saltaron 117 de positivos, máis outros cinco nas últimas horas.
A Xunta empeza a virar o seu discurso sobre a sexta onda de coronavirus. Se hai uns días o vicepresidente Alfonso Rueda descartaba restricións en hostalería polo momento, hoxe o presidente Alberto Nuñez Feijóo apuntou na dirección contraria, aínda que sen concretar medidas nin prazo.
Os 248 novos positivos por PCR comunicados hoxe axudan a que a sexta onda non só creza, senón que acelere máis. Hai que remontarse ao 5 de setembro para atopar tantos diagnósticos diarios. Os casos activos dan un salto moi preocupante, con máis de 200 novos nun só día, un 13% de alza nunha xornada. Non crecían tanto desde finais de xullo, na cúspide da quinta onda.
O SERGAS admite que non pode trazar os últimos brotes a persoas que viaxaron fóra, o que apunta a que pode empezar a haber a temida transmisión comunitaria, que se dá cando hai tantos contagios que Sanidade é incapaz de trazalos. Agora pon o foco nas reunións, sen tomar medidas para limitalas.