Galicia pode perder o control da 6º onda de covid tras sumar máis de 200 casos activos nun só día

Os 248 novos positivos por PCR comunicados hoxe axudan a que a sexta onda non só creza, senón que acelere máis. Hai que remontarse ao 5 de setembro para atopar tantos diagnósticos diarios.

Os casos activos dan un salto moi preocupante, con máis de 200 novos nun só día, un 13% de alza nunha xornada. Non crecían tanto desde finais de xullo, na cúspide da quinta onda.

Esta sexta onda empeza a provocar un repunte significativo dos falecementos. A pesar de que todos os indicadores mostran que existe o risco que se descontrole, como sucedeu en gran parte de Europa, a Xunta segue sendo remisa a implantar restricións significativas.

A incidencia acumulada semanal  crece case 5 puntos e sobe ata 40,6 positivos por cada 100.000 habitantes. Seguimos penetrándonos no risco medio e, repetindo saltos como o de hoxe, tardaremos só sete días en entrar en risco alto, segundo os criterios do semáforo oficial de alertas covid-19 vixente. Criterios que a Administración pensa cambiar pronto, no sentido de subir as fronteiras entre niveis. É de esperar pois que a consecuencia sería unha baixada do nivel de alerta.

A incidencia acumulada a 14 días tamén crece cun salto enorme, de sete puntos, ata 59 positivos por 100.000 habitantes. Este indicador mantense en risco medio, pero con saltos como o de hoxe entraremos en risco alto en menos de dúas semanas, xusto antes do principio da campaña do Nadal.

O dobre da incidencia a 7 días (81,2 ) é bastante maior que a incidencia a 14 días (59) . Sabemos pois que na última semana houbo máis positivos que na penúltima. Cantos positivos máis? A razón de taxas é de  1,38%, por tanto un 38 % de positivos máis desde un punto de vista semanal.

É unha velocidade de crecemento moi elevada. Ademais a súa evolución non mostra indicios de frear. Levamos unha semana a un ritmo case constante, con oscilacións mínimas, entre crecementos do 35% e do 40%. 

A taxa de positividade onte foi de o  3,06%. Non encadeabamos dous días por encima do 3% desde setembro. O normal é que a media semanal, o índice máis relevante dos dous, creza en consecuencia. Faio ata 2,8%, que segue sendo unha porcentaxe extraordinariamente boa pois estamos  en nova normalidade porque a media semanal segue por baixo de 4%. Iso si, a tendencia é claramente á alza, pois arrincamos a semana por baixo do 2%. En todo caso, segue habendo abundancia de probas.

EVOLUCIÓN DOS CASOS ACTIVOS

O total de infectados ascende hoxe un terrorífico 13,5% nun só día. En termos relativos, os casos activos non subiran tanto nun día desde o 13 de xullo.

Loxicamente, a consecuencia é que a media semanal, indicador máis fiable que os cambios diarios, dá un paso na mala dirección e sobe de  case un punto ata 9,8%. A curva que debuxa esta variable, a máis fiable historicamente para ver o rumbo da pandemia, mostra que por agora non hai indicios de calma. 

En termos absolutos, as porcentaxes de hoxe equivalen a un ascenso de +209  . O total é de  casos activos é 1.749.  Están a triplicarse cada dúas semanas, aproximadamente. A este ritmo chegaremos a mediados de decembro cuns 5.500 casos activos en Galicia e uns 16.000 para Nadal.

DATOS POR ÁREAS

Vigo (54), A Coruña (38) e  Ourense (56) son os distritos que máis positivos comunican hoxe.  Ourense é a área con peor situación, con máis de 400 casos activos.

Máis datos a nivel municipal e de distrito do SERGAS nuns minutos noutra noticia de Galiciapress.

CONCLUSIÓNS

Con estas cifras sobre a mesa, pódese inferir que:

• Non hai ningún indicio de que a sexta onda de covid-19 en Galicia vaia a remitir pronto. 
• A velocidade de crecemento da onda é moi elevada, en torno ao 35% - 40% semanal no que a positivos refírese. A única boa noticia é que esa velocidade mantense, non se dispara máis e máis. 
• O empeoramento é xeneralizado en todo o país, aínda que as áreas de Ourense e Vigo son as que máis están a sufrir agora mesmo.
• Sen impoñer restricións, é difícil ver como esta onda pódese controlar por se mesma. Noutros países con taxas de vacinación similares ás galegas, Dinamarca por exemplo, han reimpuesto algunhas restricións.
• A terceira dósis demostrou ser moi efectiva nas residencias. O venres empezan a vacinarse todos os maiores de 70. Con todo, estas vacinacións non se deixarán ver nas estatísticas de contaxio con sorte ata dentro dun mes aproximadamente.
• A situación agora mesmo non é grave. O SERGAS ten moita marxe de manobra. Con todo, canto máis tarde a Xunta en reimponer restricións, máis duras será as que teña que reimponer e máis próximas á campaña de Nadal, vital para comercios e hostaleiros.