As críticas que recibiu o presidente da Xunta en xullo cando abandonou a súa función institucional de liderar ao Concello de Goberno para acudir a unha reunión do Partido Popular en Madrid parece que tiveron efecto, pero só até certo punto.  Este luns reúnese o máximo órgano do goberno de Galicia e o seu presidente liderarao, pero non  explicará despois, como sempre fai, á cidadanía e á prensa o acordado porque Alberto Núñez Feijó convocouno a el, ao resto de presidentes autonómicos e á Executiva do PP estatal a un acto en Madrid. O substituto de Rueda non será Calvo, como no verán, senón outra conselleira.