Longas retencións en Lugo por unha colision frontal entre dous coches e un camión que deixa un falecido

Unha persoa faleceu na mañá deste venres en Lugo tras producir unha colisión frontal entre dous coches e un camión na parroquia de Orbazai, provocando longas retencións na zona.

Segundo informa o 112 Galicia, foi sobre as 08.10 horas cando un particular avisou dun accidente entre dous coches á altura do quilómetro 1 da N-540. Máis tarde, a Garda Civil confirmou que tamén había un camión implicado.
 

O primeiro alertante xa indicaba que o suceso parecía grave e que podería haber persoas atrapadas nos vehículos, polo que se informou a Urxencias Sanitarias de Galicia-061, á Garda Civil, aos bombeiros e á Policía Local de Lugo.

Con todo, os profesionais sanitarios só puideron confirmar a morte do condutor dun dos coches. Pola súa banda, outras dúas persoas foron evacuadas en ambulancia ao Hospital Lucus Augusti.

A esta hora, continúa habendo retencións na estrada, mentres a Garda Civil trata de regular o tráfico durante os traballos de retirada dos coches implicados.