A negativa de Nava Castro a pedir máis pediatras compromete a saúde de case 3.000 nenos, di BNG Ponteareas

A tensión política aumenta en Ponteareas a conta da xestión sanitaria. O executivo local, liderado pola alcaldesa Nava Castro, opúxose formalmente a reclamar ante a Xunta de Galicia que se complete o persoal de pediatría do centro de saúde municipal. Esta decisión provocou a reacción inmediata da oposición, que critica a falta de iniciativa do goberno de dereitas fronte ás carencias do servizo primario.

Segundo os datos facilitados pola portavoz do BNG, Cristina Fernández Davila, a ambulatorio conta na actualidade con só dous especialistas para unha poboación infantil que rolda as 2.800 nenas e nenos. Para a líder nacionalista, esta dotación é "claramente insuficiente" si preténdese ofrecer unha asistencia digna, de calidade e que cumpra cos tempos de espera axeitados para os pacientes máis novos da localidade.

A esta escaseza de recursos humanos no propio municipio súmase, segundo o bloque, un problema de ámbito comarcal. Cristina Fernández apunta que a política da Xunta de Galicia de manter outros centros da zona sen pediatras obriga aos facultativos de Ponteareas a absorber tamén as consultas das localidades veciñas. Esta situación de sobrecarga asistencial estaría a comprometer, en opinión da nacionalista, a equidad e a saúde da infancia.

CRÍTICAS POR INTERESES PARTIDISTAS

No marco desta confrontación, o BNG lamentou o que consideran unha actitude de submisión por parte do equipo de Nava Castro. Segundo a formación soberanista, o Partido Popular e os seus socios de ACIP prefiren "non incomodar aos seus superiores" na administración autonómica antes que defender as necesidades dos veciños. Fernández Davila tacha de contraditorio que se rexeite persoal mentres se promociona a edificación dun novo centro de saúde.

Ademais, desde a oposición verteuse unha acusación directa sobre o emprazamento de dita futura infraestrutura. O BNG afea que se publicite un novo centro médico xusto fronte a unha clínica privada que, aseguran, está vinculada a unha concelleira do PP de Ponteareas, suxerindo que existen prioridades afastadas do interese xeral.

Pola súa banda, o grupo liderado por Cristina Fernández reafirmou a súa intención de non abandonar esta reclamación. En declaracións da propia líder do BNG, a formación seguirá esixindo os medios necesarios baixo a premisa de que "a saúde non pode depender de cálculos políticos nin de intereses partidarios", asegurando que continuarán o seu labor en defensa da sanidade pública fronte ao que cualifican como unha preocupante falta de planificación.