Decenas de miles de persoas maniféstanse en Galicia contra o acordo de amnistía

As manifestacións contra a amnistía convocadas polo Partido Popular para todas as capitais de provincia españolas han enchidos as rúas das urbes galegas e do resto do país.

Minutos antes do comezo das manifestacións ás 12:00, os puntos de encontro xa se encotraban cheos de xente. Así foi o caso dos xardíns de Méndez Núñez na Coruña, á que acudiron, segundo afirman o propio #PP, ao redor de 10.000 persoas, entre as que se atopaban o vicesecretario de Organización do #PP, Miguel Tellado, e a secretaria xeral do PPdeG, Paula Prado.

Pontevedra, pola súa banda, recibiu na praza da Peregrina, desde bastantes minutos antes da convocatoria ao mediodía, a Alfonso Rueda, o actual presidente da Xunta de Galicia e líder dos populares galegos, con berros de "Presidente!", entre ovacións e aplausos. Os manifestantes, que se cifran en varios miles, percorreron as rúas contiguas á praza, como Michelena e Oliva, acompañados con berros de "Que che vote Txapote", "Non é un presidente, é un delincuente" ou "Sánchez, fóra, deshonras a túa bandeira".

Lugo encheu tamén a praza da Subdelegación do Goberno con bandeiras de España, da Unión Europea e Galicia. O manifesto, lido en todas partes, foi lido por Elena Candia, presidenta provincial do #PP de Lugo e concelleira da capital provincial, mentres se escoitaban cánticos de "Puigdemont, a prisión" e "España non se vende".

En Ourense , pola súa banda, ao redor de 4.000 persoas sumáronse á convocatoria do #PP na chaira do Auditorio Municipal de San Francisco. Nun primeiro momento, esta concentración íase a celebrar na Praza Maior, pero coincidía coa carreira popular de San Martiño, que obrigou a cortar a rúa. Luís Menor, presidente da Deputación de Ourense, foi o encargado de ler o manifesto acompañado de grios como "Viva a democracia. Viva a constitución" e de numerosos asistentes que portaban bandeiras de España.

En total, o PPdeG cifrou en máis 30.000 os asistentes ás concentracións en toda Galicia este domingo.

MOBILIZACIÓNS EN MADRID

A mobilización en Madrid estivo encabezada por Alberto Núñez Feijóo, líder dos populares; a presidenta da Comunidade de Madrid, Isabel Díaz Ayuso, e o alcalde do Concello de Madrid, José Luís Martínez-Almeida, ademais do expresidente do Goberno José María Aznar.

Ayuso ofreceu na Porta do Sol un discurso a favor da "liberdade" ante os miles de madrilesños que hoxe se concentraron en "o quilómetro cero de todas as estradas dos españois". Aproveitou tamén para acusar a Pedro Sánchez de "entrometerse na vida dos españois" e de "expulsar ás empresas de España".

Feijóo, pola súa banda, tomou a palabra a continuación, afirmando que non se fai isto "só polo Partido Popular" e que ás concentracións non acudiron só os que votan ao #PP. "Isto vai moito máis alá dos partidos políticos. Estades aquí porque tedes principios que non estades dispostos a que volos arrebaten; estades aquí porque vos importa o país onde nacestes e onde vivides", esgrimiu o líder do #PP.