Quedan apenas dúas semanas para que Donald Trump regrese á Casa Branca tras gañar as eleccións, grazas ao apoio do seu “novo” amigo Elon Musk, quen investiu máis de 250 millóns de euros na súa campaña. Non se tratou dunha simple doazón; o home máis rico do mundo, dono dalgunhas das empresas máis influentes do planeta e cunha poderosa rede social, utilizou a súa plataforma para asegurar o triunfo de Trump. Musk, un personaxe narcisista e egocéntrico, non o fixo por amor á arte, está claro. Crese un superheroe (aínda que máis ben un vilán estrambótico e con actitudes perigosas), e tras o triunfo de Trump e o seu nomeamento como responsable do “Departamento de Eficiencia Gobernamental” e asesor próximo ao presidente, xa está a traer moitos problemas ao seu “xefe”.

É evidente que Musk non se conformará co cargo que lle deron. A súa verdadeira ambición, que veremos pronto, é desprazar a Trump para situar á fronte do país. A súa principal ferramenta para conseguilo son as súas redes sociais, onde ten máis de 211 millóns de seguidores en X. A pesar de non ser o responsable da política exterior de Estados Unidos, non dubida en intervir onde non lle corresponde, pois se considera o rei.

Musk comezou a súa escalada de desestabilización de gobernos en Europa a través das súas redes e en contactos directos con líderes ultradereitistas, o que colmou a paciencia dos aliados tradicionais de Estados Unidos. Todo isto ocorre antes de que Trump asuma oficialmente o cargo.

A súa intervención empezou co seu respaldo público a Alternativa por Alemaña, un partido ultradereitista ao que pide o voto sen andrómenas. Mentres tanto, o primeiro ministro británico, Keir Starmer, converteuse nun dos seus obxectivos desde hai semanas. Musk chegou a afirmar que Starmer, responsable de salvagardar aos nenos, debería ser encarcerado, ademais de facer apología da violación. O presidente de Francia, Emmanuel Macron, acusou a Musk de alimentar un "movemento reaccionario internacional" e de intervir nas eleccións, mentres que o primeiro ministro de Noruega, Jonas Gahr, expresou a súa preocupación pola intervención dun home con tanto poder nos asuntos internos doutros países.

Musk é consciente de que, tanto en Europa como en EE. UU., hai un número importante de votantes insatisfeitos cos seus gobernos debido á economía e a inmigración, o que crea un caldo de cultivo propicio para as súas mensaxes populistas. Isto xerou gran preocupación entre os gobernos europeos pola súa intromisión.

O mesmo ocorre no Parlamento Europeo, onde membros están a presionar á Comisión Europea para investigar os intentos de Musk de influír nas eleccións alemás de febreiro. Este xoves, Musk organizou unha transmisión en directo co líder do partido ultradereitista AFD. O eurodiputado alemán Damian Boeselager, do partido Os Verdes, enviou esta semana unha carta á comisaria de Soberanía Tecnolóxica, Seguridade e Democracia, preguntando si o uso algorítmico de X cumpre cos requisitos de transparencia establecidos pola Lei de Servizos Dixitais. Segundo Boeselager, hai indicios de que Musk manipulou o algoritmo de X para favorecer o seu propio alcance.

Hai dous días, un portavoz da Comisión Europea anunciou que se investigará si a transmisión en directo de Musk co líder ultradereitista alemán infrinxe as normas sobre plataformas da UE, como parte dunha investigación en curso sobre X.

O intervencionismo de Musk en Europa segue sendo preocupante. Outro exemplo é o acordo de 1.500 millóns con SpaceX, que implica entregar as comunicacións gobernamentais, de defensa e militares de Italia a un individuo impredicible con ideas protofascistas, membro dun futuro goberno estadounidense. A ultradereita é agora un obxectivo das aspiracións do “ministro de Exteriores do goberno de Trump”, que antes de asumir o cargo xa está a ter problemas con algúns países aliados de EE. UU.

O multimillonario dono de varias redes sociais, especialmente X, converteuse nun perigo mundial. O seu intento de librar a Europa das "esquerdas", entre outros obxectivos, é algo que aínda non se pronunciou Trump. Estará de acordo con el ou o manterá ocupado nestes asuntos sen dar conta dos problemas que lle causará? Até que punto os intereses de Musk entrelázanse coa política? É evidente que para el non hai límites. Só os demócratas e unha gran parte da cidadanía poderán plantarlles cara tanto a Trump como a Musk. Ou talvez, ambos se esnaquicen mutuamente, porque como di o refrán: "Non pode haber dous galos no mesmo curral".