A Coruña foi o escenario elixido pola Federación Española de Directivos e Executivos (CEDE), que preside Isidro Faine, para celebrar o seu congreso anual. Un acto que reuniu aos principais executivos e directivos das empresas españolas e no que se debatían os temas de actualidade en materia de IA que van influír nas empresas. Os debates que tiveron lugar ao longo da xornada queren ser un referente de anticipar ao que pode influír nas melloras das empresas. Un espazo de exposición das estratexias de cada unha desas empresas e como afrontar os retos presentes e futuros. É unha aposta conxunta para dar a coñecer os proxectos nos que están a traballar algunhas empresas en IA, especialmente as máis estratéxicas.

Baixo a lema “liderado en tempos de intelixencia artificial”, nesta xornada falouse da importancia da intelixencia artificial como tema estratéxico para o liderado empresarial, pero tamén político.

O presidente de Criteria Caixa e presidente da Fundación CEDE, Isidro Fainé, na súa intervención lanzou unha mensaxe humanista en relación ao desenvolvemento dos retos tecnolóxicos como a intelixencia artificial (IA), explicando o que pensa: ”A era dixital non ten sentido si esquecemos darlle unha perspectiva humanística", manifestaba. Á vez que reflexionaba sobre o que significa a presenza xa real dos robots, afirmando que “non se trata de competir contra os robots, senón de crear unha sinerxía para aproveitar o mellor de ambos”, Faine, persoa optimista, considera que hai que ser prudente e humilde ante a IA, pero fala de “ambición e optimismo”. Cre que iso non é o final do mundo, senón un novo mundo que el cre que vai ser mellor.

A intervención do conselleiro delegado de Criteria, Angel Simón, versou sobre o plan estratéxico de Criteria que concretou en como ía realizar o holding os futuros investimentos. Primeiro nas empresas estratéxicas que son fundamentais para o país: Telefónica, Naturgy ou CaixaBank”. Segundo, explicou Simón, é a aposta de Criteria pola diversificación investindo a tendencia: afástase das pequenas participacións en moitas empresas, quérese unha maior participación en menos, pero máis estratéxicas. Esa é a nova filosofía de Criteria. Segundo o CEO, a novidade do plan, que segundo Simón foi idea de Fainé, é o investimento en 100 pemes do tecido produtivo español centradas na IA.

Para o presidente de Telefónica, Álvarez- Pallete, “non hai alternativa á IA, que, segundo explicaba, “terá 70 veces máis impacto que a Revolución industria”. Non é a primeira vez que Pallete fala do tema, nos dous anteriores congresos, xa explicaba o que estaba a facer Telefónica e confirmaba os avances que levaban até entón.

Mentres que o presidente de Naturgy, Francisco Reynés, estaba seguro que a IA será o tractor ao futuro. Aínda que reflexionaba sobre o medo que dan sempre os cambios, aínda que tamén significan unha oportunidade.

O presidente da Deputación coruñesa, Valentí González Formoso e a alcaldesa da cidade anfitrioa, Inés Rey, explicaron aos presentes os avances da cidade e a provincia. Mentres que Formoso cualificou á cidade como motor industrial de Galicia. E Rei recalcou que é a capital das novas tecnoloxías. Coruña acollerá a sede da Axencia Estatal de Supervisión da Intelixencia Artificial (Aesia).

Neste congreso estivo presente o líder da oposición, Alberto Núñez Feijóo, e o presidente da Xunta de Galicia, Alfredo Rueda. O presidente do PP aproveitou a ocasión cun auditorio de luxo, para falar da situación política que, segundo el, “é a peor que lembra nestes 30 anos que leva na política”. Ademais reivindicou a intelixencia natural e criticou o triunfalismo económico, evidentemente referir ao goberno de Pedro Sánchez . Mentres que Alfonso Rueda, presidente da Xunta, definiu o papel humano que deber ser “con sentidiño” como moderador da IA.

O acto, como vén sendo xa habitual, foi clausurado polo Rei Felipe VI, quen entre outras cousas lembrou aos presentes o papel importante da IA como ferramenta estratéxica, pero lembrándolles a responsabilidade que significa ser un liderado empresarial ético.

Unha xornada moi ilustrativa, con achegas dos intervinientes que indicaron cara a onde debe ir a aplicación da IA, as vantaxes que iso supón así como os riscos, que evidentemente os ten. No entanto, é unha gran oportunidade de cambiar as cousas para mellor. O mundo segue adiante e non se pode parar. Agora ben, como en todo, hai que ter presente que a ética non é só unha teoría, a práctica é o que a fai real e pon límites a situacións que non adoitan ser as mellores .Todo é posible con intelixencia humana compartida. Iso si, completada con moderación e “sentidiño”.