Que se tranquilicen Iván Puentes e Rafa Domínguez

Pontes debe tranquilizar porque alcalde non será en Pontevedra, pero o aparello do partido a un bo mozo como el e  formando parte da engrenaxe, compensaralle nun futuro con outro cargo 

Unha moción de confianza e a proposta do alcalde, é o que é, que nel caso dos socialistas pontevedreses e aínda tendo diferenzas co BNG no que se refire ao modelo de cidade, non pasa de ser unha estratexia política e que ao mozo do PSOE e moi do aparello socialista que é Iván Puentes interésalle neste momento “aínda que diga publicamente nin si nin non nin todo o contrario,” moción que noutras circunstancias non se deu. 

Iván Puentes que é un bo profesional da política de toda a vida, confúndese nunha cosita, isto é unha capital de provincia doutra banda algo moi obvio, pero o mesmo que a súa posta en escena mediática, constante e diaria xera adeptos, doutra banda xera rexeitamento noutra Pontevedra que el descoñece e moito. O non fará alcalde a Rafa Dominguez como di, sendo este o máis votado e o que sacou maior número de concelleiros, “tampouco nos conta ningunha milonga que xa non saibamos e que é tradicional nos socialistas pontevedreses,” xa que postos a ser de esquerdas o son bastante máis os nacionalistas e tampouco os primeiros poden facer outra cousa.

Iván Puentes debe tranquilizar porque alcalde non será en Pontevedra, pero o aparello do partido a un bo mozo como el e  formando parte da engrenaxe, compensaralle nun futuro con outro cargo no ámbito provincial ou en calquera outro nivel, xa que el xubilarase na política, “trazas desde logo lévaas.” 

Con respecto ao outro candidato, o do Partido Popular, Rafa Dominguez é xa consciente e sabedor de que o socialista non o fará alcaldable nunca e sería bo que se centrase máis nos problemas reais da cidade de Pontevedra e das súas 15 parroquias, deixando dun lado aos socialistas, sabendo que con eles non pode contar para nada, salvo en cuestións moi puntuais como no que se refire á Avenida de Raíña Vitoria, e que lle guste ou non ao BNG, esta volverase a reabrir, se non neste mandato, será con outra corporación no futuro, xa que unha parte importante da poboación así llo pediu e pide sendo un tema este entre outros no que os nacionalistas perderon dous concelleiros.

 A lei electoral permite a actual composición do Concello de Pontevedra aínda sendo a forza máis votada o Partido Popular e isto é o que debe ter claro o señor Domínguez, pero que se relaxe o candidato socialista, ou se produce un tsunami na política municipal, cousa farto difícil ou asistiremos no futuro a unha continuidade das políticas do BNG con Lores ou sen el á cabeza. 

A outra opción sería un goberno do PP, e xa estirando moito o chicle co apoio dalgún concelleiro doutra formación emerxente como no seu día foi Pontevedra Unida e que hoxe en día podería ser Pontevedra Alternativa ou outra que ocupase o seu espazo. Dos actores políticos depende, a condición de que estea detrás un proxecto compacto, sólido e serio. 

Resumindo a moción de confianza acabará o mesmo día que se celebre o Pleno do Concello de Pontevedra, outra cousa moi distinta é que se negocie dentro dos orzamentos determinadas partidas ou cuestións da política municipal que xa todos os cidadáns coñecemos das anteriores eleccións locais. Tranquilos todos e tranquilidade aos dous candidatos da oposición, porque son iso, candidatos e por tanto non están nos órganos de goberno. É certo que a moción de confianza parte do alcalde e que ademais a lei permítello pero non se esqueza señor Iván Puentes que esta é forzada debido á aptitude de vostede e do seu grupo municipal, por tanto negocie o que teña que negociar co BNG e deixe aos populares en paz, e aos conservadores que non se fagan ilusións cos socialistas en relación cos orzamentos, que me imaxino que xa o saberán os populares.