Por que as grandes superficies esquécense de pór asentos?

Coa chegada da democracia, tamén as cidades e pobos fóronse transformando urbanisticamente até chegar á situación actual. Un cambio que fai a vida máis agradable aos seus habitantes: municipios máis accesibles -máis ou menos - zonas verdes, complexos deportivos, de lecer e un longo etc. Aínda que as novas xeracións non sexan conscientes desa transformación, os que teñen unha certa idade saben diso e valórano.

Nese cambio de imaxe nas rúas, paseos, parques, xardíns, viron como se foi incorporando mobiliario urbano que faciliten a vida cotiá da xente. Hai uns elementos importantísimos que usan case todos; os asentos, bancos dos que se dotaron os espazos que utilizan todas as persoas, especialmente a xente maior, as que teñen problemas de mobilidade,  dispoñen destes para cando estean cansas ou as pernas necesitan un respiro. Pero tamén o resto da cidadanía que quere sinxelamente utilizalos. Este tipo de servizo de gran uso é imprescindible e cumpre unha función moi concreta. Así o entenderon os consistorios e apostaron por eles, como debe ser.

Non ocorre o mesmo cos supermercados, grandes superficies, os mercados ou calquera outro espazo. As direccións destes non tiveron en conta ás persoas maiores, xente con mobilidade reducida, ou algunhas outras que utilizan muletas para mover. Se dan unha volta por eses recintos, na inmensa maioría deles non dispoñen de asentos que poidan utilizar cando as forzas chegaron ao seu límite e necesitan un tempo para repor. Que non pensaron nese detalle que pode ser “pequeno” pero non o é? Non chegou a transformación, a comodidade e a solidariedade cos que necesitan sentar uns minutos, ou un intre para recuperar forzas e seguir comprando? Visto o visto, non. Moitas son as queixas dos afectados que reclaman uns cantos asentos en varios puntos dos establecementos. En máis dunha ocasión, os que non puideron máis, sentáronse en calquera “caixa” próxima que atoparon, por medo a caer, como se viu en tantas ocasións.

É hora tamén da transformación e adecuación das zonas comerciais, non fose, senón dentro dos establecementos, especialmente os que teñen grandes dimensións: facilitar a accesibilidade é moi importante, a dotación de asentos tamén, contribúese a que todas as persoas poidan acceder a eles sen medo a pensar que non van poder terminar o percorrido. É urxente e necesario facilitar a mobilidade a todos, aínda que para conseguir o seu obxectivo teñan que facer unas cantas paradas. Iso si, dispondo dun asento onde descansar e continuar despois a súa marcha, sen ter que depender de ninguén. A si que señores de Carrefour, Alcampo, Leroy e outros, pór as pilas e doten de asentos os seus espazos. Non é moi caro e contribuirán a facerlles as cousas máis fáciles e levadías aos seus “clientes”, que diso trátase.