Sorprendido in franganti tentando violar a unha vaca en Castro de Rei (Lugo)
As penas por violar sexualmente un animal en España varían segundo a gravidade do acto, e poden incluír multas, traballos en beneficio da comunidade ou penas de prisión de até 24 meses, xunto con inhabilitacións para traballar con animais.
Un home foi denunciado tras ser sorprendido en Castro de Rei (Lugo) cando presuntamente tentaba violar unha vaca nunha explotación gandeira das proximidades do campo da feira de Triabá, na noite do sábado ao domingo.
O feito foi confirmado pola Garda Civil, ante a que o propietario do animal presentou unha denuncia xa que foi el o que sorprendeu ao presunto autor, que tentou forzar á vaca tras atala e subir a un banco.
O home abandonou o lugar ao ser sorprendido, pero foi identificado ao día seguinte polo propietario da vaca. A Garda Civil investiga os feitos.
En España, desde a reforma de 2015 e actualizada en 2023, a violación sexual dun animal encádrase como un delito de malos tratos animais, regulado principalmente no artigo 340 bis do Código Penal. As penas poden incluír prisión, multas ou inhabilitacións, dependendo de si o acto causa dano físico, como lesións que requiran tratamento veterinario, ou mesmo a morte do animal.
Exemplos de penas
- Se hai lesións que necesitan tratamento veterinario: de 3 a 18 meses de prisión ou multa de 6 a 12 meses, máis inhabilitación de 1 a 3 anos.
- Se o animal morre: de 12 a 24 meses de prisión, máis inhabilitación de 2 a 4 anos.
- Se non hai lesións graves: multa de 1 a 2 meses ou traballo en beneficio da comunidade de 1 a 30 días, máis inhabilitación de 3 meses a 1 ano.
Escribe o teu comentario