AFESTEL torce o brazo de Stellantis polos motores Puretech con máis de 17.000 euros en acordos extraxudiciais

A crise aberta polo fracaso dos motores Puretech segue deixando ao Grupo Stellantis entre o eixo e a roda por este fracaso herdado da antiga PSA. A casa automobilística, a pesar das moitas evidencias demostradas ao longo dos últimos anos, segue reticente a recoñecer que existe un defecto de fábrica crítico que liquida os Puretech -coloquialmente coñecidos como "Pudretech"- polo fallo da correa de transmisión, que se degrada ao ir empapada en aceite e que se mestura coa gasolina, danando partes do motor que van desde a chupona até o sistema de freado. Os máis de 8.500 afectados organizados na Asociación de Afectados Stellantis (AFESTEL) levaron o caso ante a Xustiza e agora están a conseguir unha serie de acordos que, por agora, xa lle custaron a Stellantis o desembolso de máis de 170.000 euros. 

ACORDOS EXTRAXUDICIAIS

Pese ao goteo de demandas dos últimos meses, a firma detrás de marcas como Peugeot, Opel ou Citroën está a tratar de evitar as sentenzas condenatorias -onde podería probar que se trata dun defecto de fábrica- e, desde marzo, comezaron a reembolsar aos afectados con negociacións extraxudiciais. Desde AFESTEL indican que a previsión é que nas próximas semanas ese valor podería multiplicar até os 2,5 millóns de euros en indemnizacións. 

En calquera caso, desde o colectivo aventuran que estas cantidades "representan só o inicio do que pode chegar a ser un elevadísimo montante en indemnizacións, tendo en conta os centos de miles de prexudicados". Só en Europa calcúlase que hai preto de 4 millóns de afectados. A rengló seguido, censuran que Stellantis "se empecina en non recoñecer que o problema dos Puretech é un defecto de fabricación", aínda que iso empuxounos a "asumir importantes custos de reparación ante o abandono de responsabilidades". 

Yerba Luca de Tena, presidente de AFESTEL, vai máis aló solicitando que "se obrigue a Stellantis a deixar de vender coches con estes motores". Mentres, nos xulgados de Vigo hai unhas 250 demandas contra Stellantis nestes momentos e a expectativa é que a cifra siga crecendo pois "os representantes dos afectados e os seus avogados son optimistas e confían en chegar a un acordo satisfactorio, a pesar de que a empresa ignora as comunicacións xudiciais e non se presenta ás conciliacións".

MÁIS E MÁIS AFECTADOS

Mentres isto sucede, os motores Puretech -que os talleres advirten que "hai de dous tipos: os que se romperon e os que van romperse"- seguen sendo un quebradizo de cabeza para usuarios como Marimar, unha das integrantes de AFESTEL que se viu, como moitos, envolvida nunha lea entre talleres polos fallos do seu coche. "O 4 de xaneiro, en plena autoestrada e chovendo a cachón o coche empeza a facer cousas raras, aos tombos puiden meterme nunha área de servizo, podería ter un accidente moi gordo", relata, un episodio moi similar ao narrado por outros afectados. 

Xa no concesionario déronlle un orzamento de 10.000 euros pola rotura do motor, que debía ser cambiado por completo nun coche con menos de 70.000 quilómetros. "Chamei a atención ao cliente explicando o problema, contestáronme que o ían a estudar e que falarían co taller", indica, aínda que ese estudo só cubriríalle o 60% da reparación. 

"Non aceptaba que só pagasen esa porcentaxe. Nun coche de 16.000 euros, non te podes gastar 10.000", critica, obrigada a deixar o coche parado no taller e constantando que, como ela, eran miles os afectados por estes motores. Despois de tramitar a demanda, Stellantis terminou por facer cargo da totalidade dos gastos da avaría. "Levo 500 km de proba (co novo motor), estou feliz, é coma se tocoume a lotaría, así o sinto, solucionástesme o problema", festexa.