Protestas contra a Xunta por cesar a case mil bombeiros forestais tras a vaga de incendios do pasado verán

A CIG convoca unha protesta este luns, 17 de novembro, ante a Xunta, na compostelá sede de San Caetano (11,30 horas), para reclamar melloras laboras do servizo de prevención de incendios (SPIF) con motivo do cesamento dun total de 938 traballadores fixos descontinuos.
 

Así, reclamarán que os profesionais traballen todo o ano, melloras salariais e de seguridade, así como un servizo 100% público.
 

A CIG-Autonómica contrapón ás melloras en condicións do persoal de extinción de incendios doutras comunidades fronte a unha Consellería do Medio Rural que "ignora as necesidades dos servizos e abandona ao seu persoal negar a abrir unha mesa de negociación".

Censura que a Xunta non rectifique a súa política tras a vaga de incendios deste ano con 120.000 hectáreas arrasadas e aposte por aumentar a externalización de funcións, ademais de botar culpas ao Goberno central.

INCENDIOS DE SEXTA XERACIÓN

Pola súa banda, expertos alertan de que cada vez "son máis frecuentes" os incendios de sexta xeración, case imposibles de controlar e moi perigos para as persoas que traballan na loita contra o lume.
 

A Real Academia Galega de Ciencias (RAGC) e a Deputación de Lugo, coa colaboración do Campus Terra da Universidade de Santiago, inaugurarán este luns, 17 de novembro, as XXXVI Xornadas Luís Asorey que abordarán esta temática.

O coordinador desta iniciativa é Antonio Rigueiro, catedrático emérito da Escola Politécnica Superior de Enxeñaría de Lugo (Universidade de Santiago), presidente da Asociación Forestal de Galicia e académico da RAGC. Á inauguración das xornadas asistirá o presidente da Academia, Juan Lema; a delegada do Campus Terra, Elvira López; xunto a representantes da Deputación de Lugo.