O CD Lugo non se pon de perfil e apoia publicamente a Xavi Torres, condenado por amaño de partidos

O futbolista valenciano ten contrato co Lugo até 2024, pero estará inhabilitado para a práctica do fútbol os próximos 22 meses. Cando poida regresar cumpriría xa 38 anos. 

Trátase da primeira condena en España contra un futbolista polo amaño de partidos. A entidade e o seu adestrador mostraron o seu apoio público ao que é un dos capitáns do club. 

Xavi Torres é un dos veteranos da Segunda División e un vello coñecido de máis dunha decena de clubs. É coñecido polo seu paso pola canteira do Barça, o Málaga ou o Betis, e por ser uns dos capitáns do #CD Lugo, club no que afronta a súa terceira tempada e onde sempre ha sid indiscutible. O a cidade amurallada atopou o seu sitio nos seus últimos anos de fútbol, despois de probar fortuna no estranxeiro. Alí fíxose un fixo para todos os seus técnicos, un referente para os seus compañeiros e un futbolista querido pola afección. Con todo, a súa etapa en Lugo pode acabar antes de tempo, e por orde xudicial.

Torres foi condenado polo 'Caso Osasuna', un proceso polo que a Audiencia Provincial de Navarra condenou ao futbolista a dous anos de inhabilitación por aceptar pagos por deixar gañar cando era xogador do Real Betis. A sentenza data de 2020, pero non foi até este xaneiro que se resolveu o recurso que había presentadao. Amaya, o outro futbolista procesado, xa colgou as botas en 2019. 

O recurso reduce as penas e a inhabilitación, que pasa a 22 meses. Para cando poida volver xogar ao fútbol, Torres terá xa 38 anos, talvez demasiados como para reengancharse ao fútbol profesional tras dous anos fóra.

APOIO DO CLUB

Desde o primeiro día o Lugo mostrouse ao lado do futbolista, esperando a que a Xustiza ditaminase o resultado final, que ademais da inhabilitación contempla o pago de 400.000 euros e dez meses de cárcere. Con contrato até 2024, a súa é a primeira condena sobre corrupción deportiva ditada en España por amaño de partidos. 

"Esta entidade quere expresar o apoio á súa persoa, pondo de relevo o seu magnífico comportamento, profesionalidade, implicación e compromiso demostrados desde o inicio da súa etapa no club; solicitando á súa vez respecto, tanto para o xogador, como para a súa contorna. O CD Lugo acompañará ao seu xogador nestes difíciles momentos, subliñando, sen xénero de dúbidas, a súa excelsa calidade humana e profesional en todo o período vestindo a zamarra albivermella", comunicou o club lugués tras coñecer o fallo. 

Mentres, o técnico dos albivermellos, Fran Xusto, xustificou a baixa do centrocampista tirando do parte médico. "O domingo pasado Xavi Torres xa sufría unha lesión, de aí o cambio. Fixéronse probas, hai rotura, e deportivamente é baixa para esta semana", referiu o preparador ante os medios. No entanto, tamén mostrou o seu respaldo ao comunicado emitido pola entidade. "Comparto o devandito aí", resolveu. 

"Xavi é un xogador importantísimo, non o vou a descubrir agora. Ante as adversidades, traballaremos como sempre e imos continuar unidos. Hai que xuntar como familia, con máis orgullo que nunca", apostilou Xusto. Unidade e tempo necesitará o Lugo para esta segunda metade da tempada, pero hoxe non parece sobrado de ningunha das dúas cousas.