O Corte Inglés da Coruña acolle a firma de libros de 'Kalon', o último traballo de Paula Notario

En cuestión de segundos pode cambiar unha vida, da mellor e da peor forma posible. Esa é a conclusión que saca o lector do último traballo de Paula Notario, 'Kalon', que estará o próximo 15 de febreiro a partir das 11:30 horas na libraría do Corte Inglés da Coruña. 

Con 'Kalon' Notario leva ao lector a contemplar o cambio radical na vida precaria de Giovanna Smith e Taylor Walker, que pasan do mileurismo á riqueza máis absoluta, o que radicaliza o seu modo de vida. A través deles e dos outros personaxes que compoñen a novela, Notario trata aspectos como a sedución, a felicidade, o drama, as adiccións ou a homosexualidade. Un cóctel de temas coa familia e o amorm como eixo central. 

"Paula Notario Romeu, escritora primeriza, sempre escribiu, desde ben pequena, novelas sen terminar, que deixaba a medias, perdidas, pois desde que ten uso de razón adora os libros, ve a esencia neles que un día a súa nai transmitiulle e a cal agora ela transmite aos seus fillos", sintetizan desde O Corte Inglés, que convidan aos interesados a achegar o próximo 15 de febreiro e compartir un intre coa novelista.