Noriega rexeita valorar o rumoreado regreso de Bugallo

|

Martionoriega


O alcalde de Santiago, Martiño Noriega, eludiu pronunciarse sobre un eventual regreso do que foi rexedor compostelán polo PSdeG Xosé Sánchez Bugallo e manifestou, en canto ao seu opositor do PP, Agustín Hernández, que leva dous anos na oposición "claramente desorientado".


A preguntas dos medios este martes no marco dun acto de presentación de nova sinalización na Alameda compostelá, Martiño Noriega esgrimiu que el mesmo postergou ata o verán deste ano a decisión de se se postulará ou non para repetir nas eleccións locais de 2019, polo que non lle atopou "sentido" facer unha "valoración doutros partidos políticos". "Quero que o goberno estea centrado na execución de obra pública", manifestou a colación.


De novo preguntado por se Bugallo lle parece un rival máis duro que o actual portavoz municipal do PSdeG, Paco Reyes; Noriega insistiu en que non "entra a valorar posibilidades", porque é "retroalimentar debates que non teñen sentido". "Estou convencido de que o espazo de Compostela Aberta é un espazo consolidado e que ten moito traballo por diante e non vou facer valoracións preelectorais do resto de formacións políticas", reiterou.


"DESORIENTADO"


Doutra banda, preguntado polas críticas do portavoz do PP local e predecesor no cargo, Agustín Hernández, Noriega xulgou que "leva dous anos e medio sen situarse na oposición e segue sen facelo". "Confunde os intereses partidarios cos da cidade e está claramente desorientado", avaliou.


Noriega manifestou que "cando as esperanzas non pasan nin polo seu partido nin por el como candidato", hai que "imaxinarse (ironicamente) como están as cousas en casa de Agustín Hernández".


relacionada Noriega decidirá no verán se repetir como candidato á alcaldía
relacionada Leiceaga descártase como candidato á alcadía da capital

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.
Cabecerarecomendadosgal 2
Cabeceraultimahora 2
Cabeceralomasleidogal 1


Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Condicións de uso Consello editorial
Powered by Bigpress