Leiceaga descártase como candidato á alcadía da capital
"Estou moi centrado no Parlamento", afirma, para rexeitar que estea interesado en volver á política local.
Leiceaga xa foi concelleiro en Santiago.
O portavoz socialista no Parlamento galego, Xoaquín Fernández Leiceaga, negou que teña interese en liderar a candidatura do PSdeG-PSOE de Santiago nas eleccións municipais previstas para a primavera do próximo ano.
"Estou moi centrado no Parlamento", asegurou Leiceaga a preguntas dos medios nun almorzo informativo celebrado este venres na sede da Cámara galega.
Así, descartou que baralle presentarse ás primarias para a elección do candidato socialista na capital galega para as eleccións municipais de 2019, xa que ao seu "compromiso" co grupo parlamentario aínda lle quedan "dous anos".
Leiceaga, nacido en Noia pero afincado en Compostela, foi concelleiro do Concello de Santiago entre 2003 e 2005, ano no que abandonou a política local para ser deputado no Parlamento galego.
Noriega decidirá no verán se repetir como candidato á alcaldía
A dirección do PSdeG ratifica a Leiceaga como portavoz parlamentario
Escribe o teu comentario