Se Puigdemont se coa no Parlament para a investidura, será detido antes de votar
A Policía podería entrar á Cámara, que deixa de ser inviolable "se no interior hai unha persoa perseguida pola Xustiza".
A hipotética investidura de Puigdemont como presidente da Generalitat vai sumando obstáculos. Ao rexeitamento dos letrados do Parlament dunha investidura telemática súmase agora a decisión dos servizos xurídicos do Estado que confirmaron que a Cámara deixará de ser inviolable "se no interior hai unha persoa perseguida pola Xustiza".
Así, no caso de que Puigdemont decidise acudir ao pleno para a súa investidura a Policía podería detelo mesmo antes de que tivese lugar a votación, deixando os independentistas en minoría.
A propia dirección do PDeCAT aconséllalle volver con máis días de antelación, de forma que poida pedir permiso para votar na investidura de igual forma que Junqueras e outros deputados presos.
A información de Catalunyapress explica as hipóteses do Goberno sobre as posibles manobras de Puigdemont.
O Supremo impídelles aos líderes independentistas asistir aos plenos do parlamento catalán
ERC e o PDeCAT non se poñen de acordo para unha investidura de Puigdemont a distancia
Os letrados do Parlament inclínanse por rexeitar a unha investidura a distancia
Escribe o teu comentario