Os 'segredos' da electricidade e o gas chegan ao Muncyt da Coruña

Desde este martes e ata o próximo 15 de xullo, o Museo Nacional de Ciencia e Tecnologia (Muncyt) da Coruña acolle unha exposición interactiva sobre gas e electricidade, que permite "descubrir os segredos" de ambas as enerxías, baixo o nome de 'Xogas? Pensamos en energí!'. A súa inauguración correu a cargo da directora do Museo Nacional de Ciencia e Tecnoloxía, Marián do Egido, e a directora do Museo do Gas da Fundación Gas Natural Fenosa, Eva Buch.

A exposición chega á Coruña tras presentarse noutros museos como a Casa das Ciencias de Logroño. A mostra permitirá descubrir "os segredos do gas e da electricidade como fontes de enerxía a través duns espazos interactivos con experimentos didácticos e divertidos desenvolvidos polo Museo do Gas", indica a propia organización.

Entre outras actividades, o evento permitirá aos seus visitantes resolver distintas cuestións sobre a xeración, condución e almacenamento de electricidade, así como sobre as distintas aplicacións, utilidades e características do gas natural.