Especialistas sobre o Camiño queren alongar a 300 quilómetros a 'Compostela'
A asemblea anual que celebran en Santiago inclúe un informe para evitar a masificación do tramo Sarria-Santiago.
Especialistas internacionais reúnense esta fin de semana no Museo das Peregrinacións de Santiago de Compostela para a celebración da Asemblea anual da Fraternidade Internacional do Camiño (FICS).
Entre os asuntos para tratar, figuran un informe sobre o Camiño Inglés, a ampliación a 300 quilómetros para a obtención da 'Compostela' para evitar masificacións no tramo Sarria-Santiago, así como a afectación das obras públicas aos trazados históricos (especialmente a autovía Santiago-Lugo).
Ademais, segundo explicou a Fraternidade nun comunicado, tamén estudarán a solicitude á Unesco para a obtención de Patrimonio Inmaterial da Humanidade á hospitalidade tradicional.
No encontro celebrarase, así mesmo, a asemblea de socios na que se elixirá unha nova xunta directiva para substituír á actual, presidida pola profesora italiana Carmen Pugliese.
Martiño Noriega destaca a importancia do Camiño na "reinvención" de Europa
Un sinal do Camiño nos restos dunha muralla de hai oito séculos
As razóns relixiosas son as que máis empurran a facer o Camiño
Escribe o teu comentario